الخميس، أكتوبر ٠٤، ٢٠٠٧

المدام حامل


شكلي اتغير ...يمكن لكن للاحسن ولا للاوحش مش عارفه ساعات ناس تقابلني تقولي ايه ده ويبقى في عيونهم نظرة استغراب شديدة خصوصا وانا لابسه الدرل العجيب بتاع الحمل اللي قررت اشتريه في يوم مع اني كنت حالفه ميت يمين عمري ما البسه ابدا ده بيخلي الناس مبعجرين ومكربسين لكن لبسته وطلع هو الحل الامثل
صور امبارح خلتني اتاكد اني اتغيرت قوي طبعا عشان الحمل لكن كمان عشان النظارة يلا بقى دي سنة الحياة وكمان
مفيش حاجة بتجي بالساهل يعني عشان يبقى عندي بنوته حلوة وامورة وكميلة لازم اتحمل شوية تغيرات وبعجرة واوصاف يمكن تضايق ناس كثير بس خير كله يهون عشان خاطر البنت اللي مش عارفه هنسميها ايه عموما دي الصور شوفوها وقولوا رايكم من غير مجامله
أنا بالدرل الغريب

انا قاعدة وعلى مكتبي حلويات من لابوار جابها هاني بشر معاه
سعيدة مش عارفه ليه وزيزو وباباه ورايا

من اليمين أنا مروة، مروة برضه



أنا قال ايه مبسوطة بنظارتي
انا والنظارة ومراوتيو اللي كان عيد ميلادها امبارح

صورة بناتي قوي من اليمين وانت داخل منى، مروة، انا، مريومةشايله بنوته صغيرة، شيرين

هناك ١٤ تعليقًا:

Love & Friendship,this is my life يقول...

اولا ربنا يقومك بالف سلامة ان شاء الله وتفرحى ببنوتك الامورة
معلش استحملى تعب اليومين دول وتغيير شكلك وكله يهون عشان خاطر البنوتة العسل
مدونتك لذيذة جدا وعاجبانى اوى الصراحة والمصداقية فى اسلوبك :)

ام مليكة يقول...

متشكرة قوي على تعليقك بس برضه معرفتش رايك في التغيير ، بس فهمت بقى يلا ربنا يعدي الايام دي على خير ودعواتك

غير معرف يقول...

ألفين مبروك
و ربنا يقومك بالسلامة
و تجيبي بنوتة زي القمر جدعة و بمية راجل

هناء يقول...

بارك الله لك فيما تملكين و رزقك ما تتمنين

اعتقد انه بالنسبة لحامل في ستة اشهر فانت لست بالبدينة ، كنت اتمنى ان تري اختي و هي حامل ايضا في 7 اشهر لتعرفي انك حقا رشيقة

اميرة هشام يقول...

والله يادود شكلك عسول اويييييييي ياحبيبتي

ربنا يقومك بالسلامة يارب وينولك كل اللي في بالك

elkamhawi يقول...

بما انى بقالى فترة كبيرة جداً جداً مشفتكيش
بس عموما النضارة هى اللى مغيرة شكلك شوية بس لذيذة قوى النضارة
بس هتفضلى دايماً دودو الشامى العسولة

عمرو عزت يقول...

أهلا بك في رابطة أصحاب النظارات

خلود صلاح يقول...

هههههههههه
مالها النضارة يعنى اوعى تقولى حاة على اللى بيلبسو نضارات ازعل منك اوى:)
على فكرة انتى على طول زى القمر مش مجاملة والله بس انتى ربنا يحميكى يارب روحك حلوة اوى فأكيد جمالك بيظهر اكتر

هو بس شوية ارهاق وتعب باينيين عليكى عشان البنوته الشقية دى تاعباكى من دلوقتى

يارب يقومك لينا بالسلامة يارب انتى واختى وكل الى عندهم نونة :)

تحياتى انا بحبك اوى(وبوسة كبيرة للنونة)

غير معرف يقول...

ازيك ياجميله ومبروك التغير بجد جميله اوى واللى مش عاجبو يطق انا بقالى كتير مادخلتش على مدونتك بس غصب عنى رمضان بقه والعزايم وكده اعزرينى والف مبروك ان احساسك الجميل اتحقق وطلعت بنوته ربنا يكملك على الف خير ويرزقك ببنوته جميله ورقيقه مثل مامتها
وكل سنه وانتى طيبه

Young entrepreneur يقول...

السلام عليكم
العدد الثالث من المجلة نزل, يا ريت تزورونا و نعرف رأيكم
Trateesh kalam

MariumaZ يقول...

حلوة أوي يا دعاء الصورة دي ... كنا في إفطار رمضان اللي عملته إسلام اون لاين وعلى فكرة علشان محدش يفتكر حاجة البنوتة الأمورة اللي أنا شايلاها تبقى زاد بنت رانيا وفتحي أبو حطب
أنا لسة لا حامل ولا عندي عيال

Harfawy يقول...

نسأل الله أن يتم نعمته عليك، وأن يرزقك الذرية الصالحة.
وعقبال ما تشوفي أخوها أنس يا قادر يا كريم.

غير معرف يقول...

مش حذرتك من الجواز بالبفء براء وبعدين هو ابو البت يعني حبلك ولا العيل ده ابن مين بعرف انيك حوامل ها موافقة

غير معرف يقول...

حاسس ان الماكياج فلاحي جدا جدا جدا دة كأنها داهنة وشها بوية واضح انكم استرخصتم , لأ وكله كوم والايشارب اللي لابساه اختك كوم متعرفيش متحجبة والا مش متحجبة متحجبة وال لأ وجلس يفكر ويفكر ويفكر


سؤال بريء؟