الأحد، أكتوبر 21، 2007

كتبوا كتابك يا نقاوة عيني

العروسة الحلوة الكميلة دي تبقى اختي الصغيرة، طبعا هي مش صغيرة ولا حاجة الفرق بيننا سنة ونص لكن هي بقى اخر العنقود وطبعا برضه هتفضل صغيرة في عيني على طول...كتبوا كتابها ثاني يوم العيد، وكانت شبكة وكتب كتاب في وقت واحد، يومها حسيت اني باجوز بنتي مش اختي، هي مخطوبة من سنة تقريبا لكن لما كتبوا الكتاب حسيت انها خلاص كبرت وهتروح بيت تاني كمان كم شهر
هي هتتجوز في البيت اللي جنب بيتنا على طول يعني طالعة من بيت ابوها رايحة بيت الجيران، بس برضه هتتجوز يعني هيبقى لها بيت واسرة والتزامات
انا نسيت اقول لكم اسمها العروسة البرتقاني اللي فوق دي اسمها"فيفي" كله مزيكا ودلع لكن انا طبعا برضه بادلعها وباقول لها "كوكي" احنا مختلفين قوي عن بعض في كل الحاجات هي ساكته قوي وهادية وكلامها قليل، وانا العكس تماما
تعالوا بقى شوفوا صور الفرح بكاميرا جوزي العزيز اللي تعب بصراحة يومها
العروسة والعريس خارجين من الاستديو

العروسة وانا في العربية
الشبكة
زغرودة حلوة رنت في بيتنا
على مهلك يا حلوة

محمد اخويا والعريس والعروسة

أمي الغالية وبوسة الفرح
مكسوفة ولا بترقص مش عارفه

شربات وحركات

رقصة ع الماشي
وهكذا حضرنا الفرح وصورنا وكان يوم حلو قوي وبعدها رجعنا بيتنا تاني، عقبال عندكم يا جماعة اللي متجوزش يكمل نص دينه

هناك 9 تعليقات:

غير معرف يقول...

الف مبروك انا حبيت عيلت الشامي دي والله وحاسس انه في ام عظيمة ورا الملحمة البنوتية الرائعة دي ام مصرية فلاحة جرارية صحيح ربت وصبرت على الرزرعة لغاية ماطرحت فرحة وفستان وليلة حنة وزفة جميلة واتمختري يحلوة يا زينة ياوردة يافلة يازهرة من جوة جنينة فادية هانم صاحبة العصمة.


وجتنا نيلة في حظنا الهباب
عبدالله الطحاوي

bos bos يقول...

مليون مبروك ليها وربنا يتمم ليها بخير يارب

تحياتى لكى

أبوشنب يقول...

مبروك لاختك

وعقبال بنوتك

الف مبروك

ام عهد يقول...

الف مليون مبروك لاختك الاموره جدا وربنا يتمملها بخير يارب وعقبل مانفرح بيكى وبنوتك جانبك وتقوميلنا بالسلامه يارب

أنا حره يقول...

ألف مبروك و عقبال ما تجوزى بنوتك :)

الامبراطوريه الممفقوده يقول...

الف مبروك
===============
الامبراطوريه الممفقوده
www.lost-empire.blogspot.com

3ala asm masr يقول...

ألف ألف مبروك
وربنا يتمملها بخير ويسعدها يارب

غير معرف يقول...

الف مبروك ...

بس ليه العروسة مبينة جزء من شعرها ... او ليه هى لابسة الطرحة اساسا ...

ارجو ان سؤالى ميزعجكيش

كشكول يقول...

يلا الف الف مبروك عقبال اما تفرحي باولاد اولاد ولادك