الأحد، يوليو ١٥، ٢٠٠٧

اسمع كلامأبوك وأمك



اسمع كلام أمك واسمع كلام أبوك ونفذ اللي يعجبك يا مان(يا ومان)
انا بقى هارد على تدوينة أبوك يا واد
طبعا هو عمال يرسم عليك وعايز يفهمك ان أمك ديكاتورية وانه ديموقراطي بس بقولك ايه اوعى تسمع كلام حد غير كلام نفسك

هناك ١٣ تعليقًا:

غير معرف يقول...

لالالالا دة براء بس بيعاكسك فى ديكتاتوريه رقيقه كده ربنا يخليكم لبعض ويبارك لكم غى زريتكم يادودو ياجميله بس اشمعن اسم يافا دة اللى اختارتيه
اتمنى لكى السعاده يارب

Halawa يقول...

هو ده الجيل الجديد
من الأبهاااااااات
أيون نعم للحرية
سيبوا العيال تعمل اللي هيا عايزززززززززاه

والله انتم ناس زي العسل
حلوة المناوشات دي

تحياتي

غير معرف يقول...

السلام عليكم
بجد انا بحب المدونة بتاعتك جدا
أصلها لذيذة
ربنا يوفقكم

mraghy يقول...

اول مره امر و ان شاء الله مش تكون اخر مره

و يسمع كلام ابوه او امه ليه او حتى يسمع كلام نفسه

انتي من اولها هاتديه اوامر

سيبيه سمع او ما سمعش هو حر يا ستي

تقبلي مروري

ام مليكة يقول...

مري يا ام عهد يا جميلة بصي اي سيدتي اخترنا اسم يافا لان فيه مخرجة اسمها يافا وبراء اعجب بالاسم وقد كان عموما هو لسه فيه اقتراحات يعني،أما حلاوة بقى فعندك حق طبعا جيل من الابهات السايبين وخليها على ربنا، شكرا يا محمد على تعليقك ودعواتك بقى، اما بقى الزائر الجديد اللطيف اللي اتمنى انه يكون الدائم اتمنى انه يتقبل كلامي انا كان قصدي اللي هو قاله بالظبط يعني يسمع الكلام بس يطنش ويعمل اللي هو عايزة

قضية عم أحمد Ahmed Case يقول...

ههههههههههههههههههههههههههه

الصورة تحفة

بصى الواد علشان يبقى جدع يأخد من امة الجدعنة والعرق المصري اللى على حق ومن ابوة الدماغ الاسعه والدم العسل بس ما يأخدش المقاس الاكس لارج .


يارب تشوف الواد بقه علشان نلعب بيه شوية

Salma Amer يقول...

بالنسبة لموضوع سمعان الكلام ده متقلقيش خالص محسوم لان محدش دلوقتي بيسمع كلام حد ولا ماما ولا باباولا تيته و لا جدو ....
وبصراحة المفروض يغيروا الكلام اللي بيقلوه في السبوع لانه مش بقى بيحصل

أبوشنب يقول...

الف مبروك يا ام الغايب

ويجي بالسلامة ان شاء الله

المهم

كلام في سرك

عايزك في قضية امن دولت

اصل دولت الخاطبة جابت عروسة

وطلعت بعيد عنك

مدونة

) أمي في الاول افتكرتها بتقول مدودة وقعدت تشتم لكن قدمنا لها مذكرة ايضاحية بالمعنى(

المهم عايز نصائحك الغالية للتعامل معاها

ابقاكي الله ذخرا لجميع المدونين
اللي لسة على البر التاني

AbdElRaHmaN Ayyash يقول...

:D يا سلااااام
ربنا يبارك في الهانم اللي جايه دي و يخلليهالكم
بس بقوللك صحيح
:D الله يخلليكي خللي بيرو يخف عني شوية
ده عاوز يحاكمني :D
بهزر بهزر
بجد ربنا يقومك بالسلامة و تجيلك البنت اللي زي القمر اللي انتي عاوزاها
ياارب

غير معرف يقول...

ألف مبروك ، و إن شاء الله يخرج للدنيا و يسعد بيكم ، يتربى في عزكم

ساعه الغروب يقول...

بصى مش عارفه بجد اقولك ايه ؟؟

انااول مره يتعادل حظى التعس مع حظى السعيد
بجد انتى هنا حققتيلى المعادله اللى بدور عليها من سنين

انا بزورك دايما بس بلاقينى كتير مش عارفه اعلق بس النهارده بجد مش قدرت


كان بقالى كتير اوى مش جيت هنا

والنهارده لما جيت لقيت انه فايتنى 3 بوستات
وبجد مش قدرت اقولك ال3 بوستات دول عملوا فيا ايه؟؟

بصى انا عارفه انك مرهقه فمش لازم تقرى تعليقى كله عارفه انى هتعبك اوى كدا

بس بجد مش عارفه اقولك ايه

انا هحفظ البوستات دى بجد عندى لانى كان اعتقادى دايما انى لازم اسجل كل لحظه حاسه بيها بطفلى اللى هيبقى جوايا

مش عارفه اوصلك بجد احساسى كان ايه

انا قريت كلامك كله ومش عرفت اعمل
اى حاجه غير انى امشى وفى عنيا دموع
من نوع تانى اوى اوى
مش عارفاها ومش قابليتنى قبل كدا فعلا
لاحساسى بيكى اوى

ولقيتنى برجع تانى وبكتب لك الكلام الكتيييييير اوى دا

سامحينى بجد


انا اصلى زى كل واى بنت بحلم اوى بااللحظه دى

فبجد انتى وصلتيلى بمنتهى الصدق احساسك دا





وبجد اوى اوى اوى بدعيلك من قلبى انك ربنا يتمم لك على الف خير ويا رب دايما تبقى سعيده فى حياتك

بجد بجد ربنا يهنيكو اوى


مش عارفه بجد اوصفلك احساسى

بجد ربنا يباركلك يا رب فى حياتك ويكتبلكو كل الى فيه الخير ليكو دايما



بجد بجد شكرا ليكى

:)

ام مليكة يقول...

مرس ي يا ساعة الغروب انا مش عارفه اقول لك ايه يا حبي بس بجد تعليقك اسعدني كن للاسف لسه شايفاه حالا وانا اسفة على تاخري في الرد عليكي انا كمان اتمنى تكوني بخير وينولك اللي في بالك يارب

ام مليكة يقول...

أما ابو شنب بقى فدي مسالة مهمة جدا يا افندينا مينفعش نتكلم فيها كده على المدونة ممكن تبعت لي ميلك ونتابع الموضوع المهم ده بس موتني من الضحك موضوع مدودة ده بس دوس ربنا معاك