الثلاثاء، يوليو ١٠، ٢٠٠٧

أحلم بك


يقولون أن المرأة تشعر بنوع جنينها وببعض تفاصيله حتى قبل أن يعرف الطبيب، اشعر انك هناك تسبحين في فضاء لم يعد جديد عليك فها هو الأسبوع العاشر لك في المكان ذاته ولازال إحساسي انك أنثى ..

أما أنا فأضع يدي على موضعك أتحسس وجودك وأتابع نبضك الذي يأتي بعد نبضي بثواني معدودة واشك كثيرا في انك قررت أن تغادريني وتختاري الفراق قبل أن أراك فتدمع عيناني وأعود أتحسسك من جديد فلا اشعر بك وبعدها مباشرة اشعر بالرغبة الشديدة في القيء فاعرف انك هناك وإنها الحيلة التي تفعلينها دوما لتعرفي مقدراك في قلبي ..

لم اعد اكتفي بهذه الطرق للاطمئنان عليك بل أصبحت احلم بك، أراك في منامي وأنت لازلت هناك وأتابع حلمي حتى تصلي إلى عالمنا وتحتلي مكان آخر ولكنه هذه المرة في شقتنا الصغيرة التي اخترناها أنا ووالدك واطمئن علي رضاك عنها وعن موقعها وارى تذمرك من هذا الدور العالي الذي نسكن فيه بدون مصعد وأحملك في دلال لأني اعرف السبب وراء هذه الشكوى فلك الحق ياعزيزتي ولكن اطمئني فهي بضع سنوات قليلة لن تصل إلى أصابع يدك الخمس ونغادرها ووقتها تصبحين قادرة على الاختيار معنا لشقتنا الجديدة بل لحجرتك أيضا...

وهذه المرة لن أمانع أن أعطيك أفضل الحجرات ولن ارفض أن تطل بلكونة حجرتك على جيران لديهم طفل يسليك ويلعب دور الحب الأول في حياتك...

بحبك وحشتيني(دودو)

هناك ١٠ تعليقات:

Salma Amer يقول...

أنا دخلت على طول أهو أول ما قلتيلي ..
ربنا يكرمك يا دودو وتعدي الشهور بسرعة و بخير وتشوفي أحلى بنت في الدنيا ( لو ولد يبقى شقي و أمور ويدوخ البنات يلا دة لاحتياط احسن تطلعي غلطانه يا دودو)
استمري في كتابة خواطرك وسميها تخاريف فترة حمل دي لانها عجبتني جدا

MariumaZ يقول...

يا دعاء مش بدل ما تقولي نفسكوا تاخدوا بيت وتكون أوضة الأمورة بتطل على جنينة واسعة ولا شارع كبير ... تبقى على طول كده في وش ابن الجيران ... هو لازم تكون العمارات لازقة في بعضها علشان نعرف نعيش... وبعدين يابنتي ابن الجيران مين؟؟؟
إحنا إن شاء الله بناتنا يكون طموحهم على طول على ابن السفير ... ابن الوزير .... ابن ال... لكن ابن الجيران ... ياااااااااااي بلدي .. موضة أديمة يا مامي ... مبحبوش يا بابا مخدوش يابابا مخدوش يابابا

ام مليكة يقول...

ههههههههههههههههه يخرب عقلك يا مريم بصي انا مكنش قصدي ان البيوت تلزق انا بس كان قصدي ان الجنينة والورد يبقى بينهم واهو تبقى فيه مساحة رومانسية بدل ما يروحوا جنينة الاورمان يبقوا في البيت وكمان بقى ان شاء الله ربك يغنيها بالحلال ونسكن جنب سفير ولا وزير ويبقى هو ابن الجيران

الحلم العربي يقول...

هههههههههه
من أولها بنت الجيران ...طب أنا بقى نفسي ييجي أنس و ابقى ورينى بقى هتعملى ايه في ابن الجيران...ههههههه
ربنا يتمم بخير و تقومي بالسلامة يا رب
تحياتي

Reemo يقول...

بقالى كتير مش زرت يا دعاء
الف مبروك يا حبيبتى
ربنا يعدى الشهور بسرعه وعلى خير وتقومى بالسلامه وتلاقي عندك احلى بنوته فى الدنيا وتسعدى بيها يا رب
محبتى

غير معرف يقول...

الله عليكى وعلى رقتك يادودو كلامك حلو اوى ربنا يكملك حملك على خير وتقومى بالسلامه ويارب يارب يديكى بنت اموره ولذيذة ورقيقه زيك
لان من حبو ربوبكرلو ببنت
ربنا يجعلو خلف صالح لكى ولابيه يارب

Aml Ghonaim يقول...

يااااه يادعاء ؛
لا تتخيلى مقدار فرحتى بحملك هذا ...
كأنك احدى أخواتى تخبرنا بذلك ؛
ربما لم أعلق على مدونتك كثيرا قبل ذلك ؛ لكنى أرقب خطواتك دائما ؛
وأدعو لك ....
ربنا يبارك لك يارب يادعاء ؛ ويسعدك ؛
وييسر لك الخير داااائما ؛؛؛
وألف ألف مبروووووك
يا أم يافا .

Halawa يقول...

مش عارف جيت هنا بالصدفة
شدني الاسم

بس صدقتك اوي
ربنا يخليهالك
وجه في عيوني دموع والله
صادقة بجد ربنا يحميكي
ويحميلك دودو
والبراء أشرف

تحياتي

ام مليكة يقول...

انا اللي هاعيط من كلامكم بجد انا فرحانة قوي اني نلت جزء من تقديركم ووقتكم عشلان تكتبوا لي فعلا ربنا يكرمك يارب ومتعرفوش بجد قد ايه انا فرحانة بتعليقاتكم اصلها حاجة مهمة قوي وانا باحاول ادخل على المعلقين علي عشان اعلق عندهم بس سامحوني الوقت فعلا صعب قوي وكمان بقيت هنومة خالص باتعب بسرعة قوي ربنا يكرمك يارب تاني وارجوكم متنسونيش في دعائكم وفي تعليقاتكم وفي مدوناتكم

غجرية يقول...

1st congratulation, hope the monthes past fast and u finally meet her/him

2nd i loved ur feeling so mush, i alwayas had a unclear image abt kids and pregnancy and stuff " i hate them still am" but i love ur feelings i think u will make a great mom