الثلاثاء، يوليو ٠٣، ٢٠٠٧

ها قد صرت الآن بداخلي


دوما كنت انتظر هذه اللحظة التي سأعلم فيها بوجودك هنا في هذه المساحة الضيقة التي كانت ملكي وحدي قبل بضع أسابيع ، احلم بتلك المشاعر منذ كنت صغيرة أرى لحظة قدوم الأطفال إلى الدنيا وأتابع أصابعهم التي تعبث بجدار دنياهم الصغيرة والتي تخص والدتهم العزيزة ...

فرحت بك للغاية...لم أتمالك نفسي من الفرحة ولكني رحت اشعر بأشياء لم تمر بعقلي من قبل ولم أتخيلها أبدا...سامحيني يا عزيزتي فليس من السهل أن تعطي مساحة لا باس بها من بطنك إلى شخص آخر حتى لو كانت ابنتك القادمة ...

وسامحيني مرة أخرى فانا لازلت أتمتع بقدر كبير من أنانية البشر التي لم تعرفيها بعد ورغبتهم في الاحتفاظ بأشيائهم جميعها دون التخلي عن 2 سم فقط هي كل المساحة التي تشغلينها الآن .

سكتت وتعجبت واستنكرت على نفسي هذه المشاعر الغريبة فكيف لا أتحملك وكنت الغاية منذ البداية؟..

ولكني بدأت في استيعاب الموقف بسرعة وأصبحت اهتم بك أكثر من نفسي بكثير وكان هذه المساحة الصغيرة هي محور حياتي من الآن وصاعدا...

ألومك قليلا لأني متعبة، مرهقة، قلقة، لا اقدر على الأكل أو شرب اللبن وأعاني كثيرا في تناول تلك الحبات الصفراء( حمض الفوليك) لأنها تروقك كثيرا، أكره النوم وترك أبيك وحده يشاهد التلفزيون ولكنك تجبرينني على هذا رغما عني وهو لا يفهم كثيرا في أعراض الحمل فيرفض نومي لساعات وتركه وأقاوم النوم في مرات كثيرة ولكنك تنتصرين في النهاية فاسقط منه أمام التلفاز ويتركني لأنه يشعر بالشفقة على وعليك.

أعرف أنك ستسالين الآن لماذا أناديك بألفاظ الأنثى ولم افعل مثل أبيك العزيز وأتعامل على انك ذكر يرفع اسمه ويبقى ذكره في الدنيا، لا ادري ولكني اشعر انك أنثى مجرد شعور فقط ولا انوي التأكد من كونك أنثى أم ذكر إلا يوم ولادتك لأظل مشتاقة إليك 9 أشهر بالتمام والكمال...وصدقيني إذا كنت أنثى أو ذكر سأفرح بنفس القدر فأنت في النهاية جزء مني ومنه.

متعبة أنا للغاية وأتذكر كلام جدتك التي لم تسعها الفرحة عندما علمت بقدومك عندما قالت لي لن تعرفي قيمة الأم ولا غلاوتها إلا لما تحملي وتولدي" وهاأنا عرفت قيمتها وشعرت بتعبها من اجلي فقط منذ أول الشهور فماذا فيما تبقى من الشهور التسعة....

سامحيني على شكوتي ولكن سيأتي اليوم الذي تعرفين فيه قيمة والدتك فقط عندما تحملي وتلدي طفل كان في الأصل جزء من أحشائك..

احبك كثيرا وانتظرك بشوق واهتم بك قدر الإمكان ...اشرب اللبن رغم بغضي له، ابلع حمض الفوليك يوميا، أنام واترك والدك، اركب التاكسي في طريقي للمنزل خوفا عليك، اصعد سلالم بيتنا في هدوء وراحة زيادة في الأمان، لم اعد أطيق اللحوم والفراخ ولا الملوخية الخضراء ولكن يبدو انك ستصبحين مثل والدتك تفضلين الأسماك والملوحة والفسيخ لأنها توحشني كثيرا وتروقني وأنت بداخلي..ادعو الله ان يعينني على حملك ووضعك بسلام

أمك دودو( هاحبك تقولي لي دودو من غير تكليف)

هناك ١٩ تعليقًا:

الحلم العربي يقول...

الف مبروووووووووووك

قضية عم أحمد Ahmed Case يقول...

مش عارف اقول ايه بعد الكلام الجميل ده .
أولا يسم الله ما شاء الله وربنا يتم لك الولادة على خير .

ثانيا أنا شاهد وهقول للبنت ممتك بتحبك أوي من زمان أوي انا حسيت بحبك ليها من اخيارك لاب جميل ليها .

ربنا يسعدك يارب

MariumaZ يقول...

إحساسي برضه يا دعاء إنها بنت إن شاء الله ... يافا زي ما براء كان بيقول

بس ياختي والنبي حمض الفوليك ده ... هي العيال ناقصة فول .. واضح إن بيصيبهم هبل دخول المدارس من وهما في بطن أمهم

على العموم لسة في فيتامينات تانية جاية وكالسيوم ونوم أكتر ... ما تستعجليش على الأعراض التحفة دي
أهم حاجة إوعي تكوني بتشربي صودا أو تاكلي أكل من برة كتير
أهم حاجة الوقت ده الأكل والشرب والنوم الكتيييير
وربنا ينتعك بالسلام يا أختشي

ام مليكة يقول...

لا اتطني يا مريرمة ولا اكل من بره ولا بيبسي ولا سي فود ولا اي حاجة فيها شك من الاصل ده اللي هتعرفيه التدوينات الجاية هاقول لكم فولدر بنتي الجميلة فيه ايه ومحتوياته كلها نصايح هتفيدبرضه يا مريم يا اختي

مرسي يا رفعت على مشاعرك الحلوة وانت بقى عم البنت يعني هتسمع كلامك
مرسي يا حلمنا العربي وعقبال عندك

غير معرف يقول...

أي نعم البداية حمض الفوليك وشوية بقي وتدخلي انشاء الله في كالسيوم إيه سي إي، وتنتهي بحبات ماترنا كمكمل غذائي .

أعتقد من أجمل الحاجات اللي ممكن تعمليها إنتي وبراء هو تسجيل اللحظات دي في كشكول وتصوير نفسك بكاميرا ديجيتال عشان هتلاقي شكل جسمك بيتغير، ومظهر الوجه خصوصا.

في كتب بتبقي مفيدة للحامل فممكن تشوفي في وسط البلد. وفي موسوعة حلوة اسمها موسوعة الفراشة من جزأين للاهتمام بالجنين مرورا بخروجه ولحد ما يكمل كام سنة كده.

ألف مبروك علي الحدث الرائع، وهنيئا لكم مشاعر الفرحة المغلفة بالترقب والخوف.

لقد خلق الرب شيئا حديثا، فأمعنوا التفكير والتدبر.

Dananeer يقول...

الف مبروك يا أحلى دودو و أحلى و أحن ماما إن شاء الله

غير معرف يقول...

اسلوبك جميل اوى فى الكتابه

والحوار رائع مش اقدر اقولك انى فعلا دمعت من اول ما قرايت الحوار بتاعك واتخيل نفسى مكان فى كل كلمه واحساس ليكى
الف الف مبروك بنت امي الغالية ويارب يكمل ليكى على خير وتشوفها انتى واشرف بتكبر ادامكم وتفرحوا بيها دايما يا رب

Unknown يقول...

دعاء انا معرفكيش شخصيا بس والله اول ماشوفت البوست طرت من الفرحة اوىىىىىىىىىى وفرحت جدااااااااا

اللهم صلى على سيدنا محمد
ما شاء الله لا قوة الا بالله

ربنا يبارك يجيبه بالسلامة ويبقى ابن او ابنة بارة بيكوا ويكرمكم ويفرحكم بيها ويرزقكم اخوات ليها كمان ويعينكم على تربيتهم
اللهم اميييييييييين

ألف مليووووووووون مبروووووووووك

ام مليكة يقول...

انا مبسوطة قوي بتعليقاتكم فرحتوني وريحتوني ومرسي قوي يا استاذ مختار على نصايحك الغالية وربنا يعطي كل محروم من الاطفال يارب وميحرمش اي حد من النعمة الجميلة دي وبجد تعليقاتكم اعانتني كثيرا دعواتكم لي بالقوة والصحة ستساعدني ان شاء الله

غير معرف يقول...

الف مليون مبروك يادعاء بجد انا فرحتلك جدا وربنا يقومك بالسلامه يارب وباذن الله ربنا يديكى بنوته رقيقه وحساسه زى مامتها
صدقينى البنات نعمه جميله اوى وبرضو الولاد كلها نعمه بس البنت بتبقه حبيبت امها وباباها ربنا يكملك على خير ولسه هتعرفى غلاوتك عند مامتك وباباكى اكتر وغلاوتهم عندك كمان لما تولدى الف مبروك يادعاء انتى وبراء

غير معرف يقول...

الف الف مبروووووك يا دعاااء ربنا يتمملك بخير ياحبيبتي ويقومك بالسلامة ويرزقك بأجمل مولودة في الدنيا وتكون ليكي ولبراء قرة عين

حقيقي فرحتلك أوي ربنا يسعدك يااارب، دايما بقرالك في صمت وبحبك من غير مااشوفك.. ربنا يتمم عليكي فرحك ياحبيبتي وميحرمناش منك ولا من كتابتك:))

اختك هدى

غير معرف يقول...

يااااااااه

اصل انتى يا دعاء بقيتى عشرة

مع انى عمرى مشفتك ولا حتى كلمتك ولا علقت على المدونة

لكن متابعاها من زمااااان

متابعة التجربة من اولها

وان للتجربة ان تكتمل بقدوم كائن جديد اليها

ربنا ينبته نباتا حسنا
ويرزقكم حبه وبره

elkamhawi يقول...

الف مبروك

ربنا يخليهولك ويتربى ف عزكو

منتظرين بيرو الصغير

العـابــــــــره يقول...

الف مبروك يا دودو يا عسل
عقبال ما تقومى بالسلامه
وما تنسيناش فى السبوع

gawafaa يقول...

لا تتخيلي انا اعده بقرا المدونه وحاسه انك قربيتي اختي حد قريب مني بيحكيلي ايه الل يحصل في الحياه
حبيتك لله كدا من غير اسباب يارب متبعديش عن المدونه وتفضلي منوراها علي طول ثانيا بقي يا ستي
الف وتسعميت مبروك ربنا يكرمك وتوصلك البنوته او الولد للدينا بسلام وربنا يخليلك براء ويكرمكوا يارب
تحياتي

غير معرف يقول...

مبــــروك مبــــروك مبــــروك مبــــروك مبــــروك مبــــروك مبــــروك مبــــروك يا دعاء انا عايشه قصة حب و قريب جدا فرحى و حاسه انى بشوف القصه بتكمل قدام عنيا مع انى عمرى ماشوفتك ولا اعرفك شخصيا ريهام

و القادم....أجمل يقول...

الف مبروك يا قمر
بجد انا جسمي قشعر
ربنا يتمم بخير
و يخليكوا للنونو اللي جاي يااااارب
:)
و عقبال الكل

BackBone يقول...

الوووووووووووو

ازيك يأم محمد عمله ايه في الحمل

انا برده احب ابشرك ان المودام بتعتي حامل بس مبتنمش زيك كده

اصلها يمكن مبتشتغلش فبتنام طول النهار لغاية لما ارجع و تقعد صاحيا معايا

متتصوريش انا فرحان اد ايه بالأخبار السعيده دي

انا بعلق عندك عشان ان مختلق شويه في بعض الاراء مع "الاخ" جوزك, بس ده لا يفسد للوز قضية


احنا بقه سبقناكم و داخلين علي الشهر الخامس اهوه و لسه برده معرفناش المولود ولد ولا بنت, بس معتقدش هقعد كده مش عارفين كتير


يالله هبقي ادعيلك و انا بدعي لمراتي و ربنا يقومكم بالسالامه كلكم

وانتي كمان اسألك الدعاء للمودام بتاعي

;)

ربنا ينتعكم بالسلامه ياختشي و يجيب المولود سليم و معافي ان شاء الله

:)

غير معرف يقول...

الف مبروك ارسلها اليك من بعيد واتمالله حملك على خير ورزقك الله بما يسعد ايامك انت وبراء معا ليكون او لتكون ثمرة حب واخلاص وانا طبعا مش هااوصيك على الاكل والشرب يعنى علشان العروسة الصغيرة تطلع تخينة ومربربة وبعدين اوعى الفسيخ والملوحة علشان انتى هاتتعبى منهم وكترى من الفواكة والخضروات ولو احتحتى اى حاجة انتى عارفة.......
DR /MUHAMAD MOSTAFA