الاثنين، مارس ١٩، ٢٠٠٧

نقلنا عفشنا


الصحبة الحلوة


علاء بيصلح النجفة في اوضة المكتب

ندى بيرقص بالكرسي

براء وفؤاد ومعركة باب النيش


أبو رفعت وصورة جوه الكادر بتاع باب النيش التاني
هواري وقاعدة السفرة

دريني وجزء من الدولاب

كان يوم حلو قوي قوي يا جماعة فعلا مكنتش متصورة انه هيكون حلو كده احساس رائع انك تلاقي الناس اللي بتحبهم جنبك بيساعدوك ويقفوا جنبك ويسيبوا حيااتهم مشغلهم عشان خاطرك وكمان لما يكونوا كلهم جنبك في وقت واحد
والاحلى بقى ان اليوم ده ييجي بعد يوم سفر لاسماعيلية مع الناس دول برضه

هاحكي لكم عن اليوم بتاع اسماعيلية التدوينة الجاية

شكرا لكم جميعا هواري وعلاء ودريني ومصاعيبو وندا وفؤاد وحمزة وطبعا رفعت الجميل بكاميرته الرائعة وصورة المطرقعة تعالوا بقى اتفرجوا على الشقة على فليكر
ورفعت كعادته دوما اتحفنا بفيديو جميل عن اليوم الرائع ده اتفرجوا عليه برضه

هناك ١٥ تعليقًا:

elkamhawi يقول...

الصحبة كانت حلوة قوى وانا كنت مبسوط جداً انى معاكو
ويارب يخليكو لبعض

الحلم العربي يقول...

ألف مبروك و عقبال ما ييجوا يباركولكوا فيها بعد الزواج . و ربنا يتمم بخير .و يديم الصحبة الحلوة عليكوا .

دعاء عادل يقول...

مبروك يا دودو يا جميله الف مبروك وعقبال الفرح
اليوم شكله كان حلو اوى
يا خسارة مش كنت معاكو
ايه رأيك يا دودو تقولى لبراء يعيد يوم العفش ده تانى عشان ابقى معاكو واحضره يعنى تنزلو كل حاجه تانى ونرجع نجبها من اول وجديد
ماشى
هنتظر ردك

shabfa2re يقول...

صحبة جميلة
ربنا يجمعكم بالخير ان شاء الله
ويبارك فى هذا الزواج
:)

محمد السيد..مش حاسكت يقول...

لولولولولولوي ...

المشكلة بقي ...إني مش حأعرف أزغرد ...

بجد والله فرحت لك يا ستي ... ولأبو أنس كمان ...

أيوة كده عايزين نجرب فيكم ... ونفرح بيكم وفيكم ...


ألف مبروك علي كل اجة حلوة ... بتحصلك إنت وهو ...

إنت وبراء...

Great wishes يقول...

ياالف مبروك يا دعاء ,,و الله أنا لسه فاتح الفيديو و الصور دلوقتى بس
بجد أنا مبسوطالك قوى و الله
الف مبروك و ربنا يباركلكم فى حياتك الجديده
, و يباركلكو فى اصحابكم يارب
على فكرة .. الفيديو تحفه وترتيبه حلو جدا ماشاء الله و احلى حاجه لقطه رجال المستحيل اللى خلصوا المهمه و مروحين فى الاخر دى .. بضحك طبعاً

ام مليكة يقول...

ربنا يخليكم لي يارب كلكم وميحرمنيش من تعليقاتكم يارب اما بقى دودو الحلوة فعندها عذرها خطيبها كان هنا بقى منقدرش نتكلم وموضوع اننا نعيد العفش بقى دي سهلة لسه باقي الانتريه والفرش وطبعا دي شغلانة بنات وحقك محفوظ

bagabigo يقول...

الف مبروك و ربنا يتمملكم بخير يا رب

bagabigo يقول...

اه نسيت اقلك ممكن اجبقى اجى افرش معاكى فرش البنات

مُصْعَب إِبْرَاهِيم يقول...

كان نفسي أشيل معاكم :(

كنت حاسس إني ماليش لازمة

moodysalihamidzic يقول...

وانا كمان والله كان نفسى اشيل معاكم
:)

Amira Hassan يقول...

بجد مبرررررررررررررروك يا دعاء

متتصوريش كان نفسي ابقى موجودة اد ايه

و الله يا بنتي لما الشفت الصور و الفيديو مقدرتش

عيطت

ربنا يخليكم لبعض يارب

انتي و براء

و انتوا و اصحابكم كلكم

shimaa يقول...

مبروووووووووووووووووووك..وربنا يخليكم لبعض كده دايما يارب..انا عيني دمعت وانا بتفرج على الصور و بشوف الفيديو..

اميرة هشام يقول...

مبروك يادعاء
ربنا يتمملك بخير انتي وبراء

اليوم شكله كان حلو اوي

وبجد كان نفسي اكون معاكوا في اليوم ده

محمود عزت يقول...

ألف مبروك !
عقبالي يا رب !