النيش هو اللي على ايدك اليمين وانت في الصورة للاسف مكنش فيه كاميرا يوم الفرش هو واضح يعني بس مسيري اصوره لكمانا مشغووووووووووووووووووولة قوي قو ي قوي سامحوني والله مش عارفه ادون مع اني عندي حكايات كثير قوي نفسي افضفض واحكيها بس بصراحة اهم موضوع شاغلني دلوقتي هو موضوع النيش اصلي عقبال عندكم كلكم يا بنات ويا ولاد فرشت الشقة يوم الخميس هي لسه مخلصتش فرش طبعا بس اهلي بقى راحوا اتفرجوزا وفرشوا الدولاب ووزعنا الدولاب بيني وبين براء واتخانقنا على مكان الهدوم وحركات العيال دي بس اكثر حاجة قلقانة عليها النيش ...1 اصل انتوا يمكن متعرفوش الحكاية اصل النيش ده فيه اعز ما املك فيه الصيني والاركوبال والكاسات والفناجين الحلوة وكمان فيه شنطة المعالق يا جماعة.
من يوم ما فرشنا وانا كل يوم احلم اني هاروح الاقي النيش وقع بكل الحاجات اللي فيه مع اني سمعت كلام امي وحطيت حاجات قليلة قوي فوق الرفوف الزجاج وحطيت الباقي كله تحت على الخشب بس برضه خايفة
المهم بقى يوم العفش براء ربنا يكرمه كان واقف معانا(عشان يعدل علينا طبعا اصل انتوا متعرفوش جوزي عنده اراؤه وحكاياته الخاصة) وشوية شوية بعد الغدا دخل اوضة الانتريه بعد ما فرشنا ونااااااااااااااام نوم عميق وانا فضلت اضحك وصعب علي قوي جبت اللحاف الفيبر الحلو وغطيته وسبته مصحيش غير لما خلصنا خالص
المهم ادعوا لي النيش ميقعش وكمان ربنا يهدي سري انا وبراء عشان بقالنا اسبوع بنتخانق وباعيط كثير قوي لدرجة اني قربت ادخل في حالة اكتئاب واول مرة اخاف من الجواز ومن الرجل في حياتي حاسه ان الموضوع مش زي ما كنت فاهمه ...بصوا هابقى احكي لكم تاني اصلي لازم انزل حالا
هناك ٥ تعليقات:
ايه يحلوة؟
مالك بس؟
بقولك خدي اجازة من الكلام ده كله و اخرجي انت وبراء
You are just stressed out and getting what we call cold feet.
ربنا يبارك لكم وبلاش خناق من الأول كده
ماشي يادودو؟
هيء هيء هيء قولي له انت بقى ان اللي بيعمله ده عيب انا تعبانة فعلا ومضغوطة
عيب يابراء
ههههه
لسه عارفة حاالا من عند براء بأمر النيش ؛ ومش عارفة أقولك ايه ؟
ولا أعزيك ازاى ؟
بس أقولك حاجة : لا تتشاءمى بعد ذلك ؛ لأن يبدو من كتر تفكيرك فى النيش واللى ممكن يحصله حصل فعلاااا!
قلبى معاااااااك...
وافرحى كده ياجميل ؛ مش يهمك حد ؛
اية الهبل ده
إرسال تعليق