السبت، مارس 31، 2007

كركور...يا يعيش

عمر اخو مصعب وهو في حضن كركورنا
كركور اول فرحتنا
كركور الحلو وجزء من الفوتيه وانا كنت تقريبا نايمة بعدسة رفعت
كركور الجميل....هو اسمه كده كركور بصراحة الفضل يرجع لبراء في اقتناء كركور الحلو الكميل التخين ده يومها كنت باشتري حاجات للبيت من سوبر ماركت الشريف وبعدين براء سابني سارحه في ملكوت الشمعدان والصواني وهو دخل قسم الاطفال وهاتك يافرجة وكل شوية انادي عليه يابراء من فضلك ممكن تقول لي رايك في الحاجة الفلانية وهو ولا على باله.

يومها ضحكت قوي مكنتش اعرف ان براء له في لعب الاطفال وقبلها بيوم كان عمال يتكلم ويقول مش لازم نخلف بعد الجواز انا لسه صغير وعايز استمتع بحياتي والكلام ده يومها قلب خالص وقال عايز اخلف حالا الللعب حلووة قو يانا عايزاخلف عيال عشان العب معاهم المهم طلعنا من السوبرماركت بكركور بعد محايلة وضغط على اعصابي من براء هو عارف اني باحب الدباديب قوي وانا عندي كثير قوي البيت تويتي وخوخه وقطط وعرايس كثير وارانب بس بصراحة ضعفت واشتريناه بمبلغ محترم يعني بس كان اول حاجة نشتريها عشان احنا عايزينها لينا نستمتع بيها من غير ما اي .حد يتدخل فيها ...على حد وصف براء في المحل وبعد ما شاتريناه قعدنا نفكر واطلقنا عليه كركور ليحتل مكان مميز في غرفة براء المفضلة(الانتريه) بين الفوتيهين اللي انا باحبهم ..باختصار انا باقول عليه اول فرحتنا..

الولد عمر بيحبه قوي وكل ماييجي عندنا يقعد يقنعني انه وحش قال يعني ممكن اسيبه له



هناك 7 تعليقات:

مـحـمـد مـفـيـد يقول...

السلام عليكم
دعاء
مبروك عليكي وعلي براء الزواج وان تكون صحبه في الخير باذن الله
بارك الله لكما وبارك عليكما وجمع بينكما في خير

REEMOO يقول...

جميل اوى كركور
انا بحب الدبب الكبيره دى مووت
ربنا يسعدكو يا رب

حرا طليقا يقول...
أزال أحد مشرفي المدونة هذا التعليق.
حرا طليقا يقول...

بارك الله لكما ..وجمع بينكم في أحلى دنيا

أتمنى لكما الخير من كل قلبي

أنا من المغرب وأتمنى لو أحصل على العنوان لأبعث لكما بهديتي

أتمنى أن تخصصو بريد لمعجبيكما لاستقبال الهدايا

هي أمنية بايخة أدري

لكنكما كرماء وقد تتكرمو بذلك
على أمثالي

تبدين في الصورة مرهقة
يا ربي يصبرك ويعينك

هذه مدونتي
أتمنى تشرفوني

http://li.modawanati.com/

تقبلي أمنياتي لكما بالخير
وبلغي نور العيون(البريء أشرف)تحيات الحب والتقدير لشخصه الطيب

naryoma يقول...

لذيذ اوي كركور
ربنا يوفقكم ويهنيكم

محمد السيد يقول...

إيه يا جدعاااااااااااااان؟

شكلكم كده عايزين زفة إسكندراني ؟؟؟

ولا الواحد اساسا ملوش في الحاجات دي ...حأكلم لكم حد من صحابي يقوم هو بالواجب ده ...

والله بجد فرحان لكم ...ويارب دايما أشوفكم فرحانيني ومبسوطين .... و بأنس وإخواته الصغيرين ..... دايما محتاسين ...

سيبك ولايهمك ....
بكرة يقعد يتحايل عليكي عشان تجيبي له حاجة ساقعة .. و لاتعملي له شوية شاي ....

بكرة حيشوووووووووووووووف


ملحوظة أخيرة ....

وأنا بأكتب التعليق كان في خبر قناة الجزيرة عن تسونامي جديد ؟؟؟

مش عارف ؟؟؟
الفرح له علاقة بالموضوع ده؟؟؟

مش من أولها كده ......

يلا مش مهم ........

elkamhawi يقول...

كركور حلو بس انا بحب الصغير ممكن اعرف اسمة اية