الجمعة، نوفمبر ٢٣، ٢٠٠٧

يانهار دي مش بتتحرك؟


قلبي وقع في رجلي من الصبح والبنت ساكته خالص مش بتتحرك ولا كانها موجوة صحيح انا كنت عماله ادعي ربنا واقول يارب تهدى شوية عشان انا تعبت من الخبط والضرب اللي عمال يزيد لكن بجد خفت قوي لما سكتت خالص كده


كنت عايزة اكتب عنها للمرة الاولى بعد ان اصبحت كيان متكامل تتحرك تسمع ترى وتشعر بالنور تستطيع التعرف على صوتي وصوت ابيها وتتاثر بالاصوات من حولها فتضطرب من الاصوات الصاخبة وتتحرك بقوة اذا تناولت البهارات اة الشطة وطبعا البصل الاخضر


تذكرت كل هذه الاشياء في هذه اللحظة وقررت ان اشرب كمية من البيبسي لاعرف ماذا سيحدث ويبدو انها شعرت بقلقي عليها فقررت ان ترحمني وتتحرك لتؤكد لي انها هناك موجودة وكانت فقط تختبر حبي لها...الظاهر انا تشبه ابيها في كثير من الاشياء فهذه هي طريقته في اختبار الاشياء


ننوشة كما اناديها الان هي جميلتي الصغيرة التي انتظرها بفارغ الصبر اسميها ننوشة لانه الاسم الذي اطلقه على صديقتي الانتيم "هنادي" او ننوشة وارى فيه اسم مناسب لبنيتي الصغيرة


اخبرها هنا الان انني اقلق عليها بسرعة فلا تفعل هذه الاشياء ثانية لان حبي لها وقلقي عليها لا يحتاجان الى اثبات او اختبار


هناك ١٢ تعليقًا:

اسامة يس يقول...

ربنا يحميها ويحفظها ... ننوشة ..
بس بلاش الببسي انت عايزها تزعل ولا ايه تنزل تووء وتقول كوكا كولا ...
ههههههههههه

خالص تحياتي

aliaa abdalfatah يقول...

ربنا يحفظلك ننوشة ويقومك بالسلامة وتعزمينا على السبوع يا دعاء

AHMED SAMIR يقول...

مبروك مقدما ان شاء الله
تتربى في عزك....ننوشة عزو

ام مليكة يقول...

مرسي يا جماعة على متابعتكم اخبار ننوش واوعدكم هاكتب لكم تاني عنها اصلها بنوتة كميلة خالص والله

بسمه عبدالباسط يقول...

ربنا يقومك بالسلامة ومبروك عليكى ننوشة مقدما

تحياتى لكى

السـيد شبـل يقول...

والله كلامك مؤثر جدا خلانى خفت ع البنت فعلا....
ربنا معاكى زتعدى الفترة اللى جايه على خير....
هستناكى لو لقيتى وقت فاضى على مدونتى

غير معرف يقول...

ربنا يكملك حملك على خير ياجميله ويرزقك ببنت جميله زيك وماتقلقيش دة عادى خالص ربنا يقومك بالسلامه وتفرحى ببنوتك يارب

غير معرف يقول...

في كتاب أنا باترجمه دلوقتي فيه جزء خاص بالحوامل، وبيقول فيه ان المفروض الحامل تاخد فيتامين أوميجا تلاتة
Omega 3
في الشهر الأخير من الحمل والشهر الأول بعد الولادة لأنه مهم للطفل في الفترة دي جدا. والفيتامين ده متوفر في السالمون والسردين .
تقومي بالسلامة انشاء الله ،
اه صحيح الكتاب هنا
http://www.chapters.indigo.ca/books/Eight-Weeks-to-Optimum-Health-Andrew-Md-Weil/9780449000267-item.html?pticket=s2duziezubpfgazcjw03drfpnRqBlR6You7e3WD13nY6VrGEHRo%3d

Camellia Hussein يقول...

يارب يخليهالك وتنورنا بسرعة بقي عشان بجد بجد من كلامك عنها وحشتنا أوي ويا رب يرجع باباها بألف سلامة

aliaa abdalfatah يقول...
أزال المؤلف هذا التعليق.
aliaa abdalfatah يقول...

إيه يا دعاء بقالك كتير ما كتبتيش فينك وحشتيني

ام مليكة يقول...

ممممممممممممممممممممم
مش عارفه بس الدني زحمة قوي