السبت، يناير 06، 2007

براء...بجد ربنا يخليك لي


احساس غريب مش أول مرة احسه النهارده لكن المرة دي كنت لوحدي وانا واقفه على رصيف القطار في محطة الجيزة والقطار بدأ يتحرك مكنتش مركزة قبلها غير اني اخفف عنه حالة الاكتئاب المفاجئة اللي حاسس بيها من الصبح بس ياخسارة مشي القطار وملحقتش املي عيني منه

وحشتني يابراء" بجد وحشتني قوي كنت حاسه بيها وهو واقف قدامي على المحطة ومكنتش عارفه اعمل ايه ، دي مش اول مرة يسافر بس المرات التانية مختلفة كان فيه مقدمات وكان وضغعنا مختلف لكن دلوقتي احساس غريب قوي كأني أنا اللي سافرت دنيا تانية غريبة عني ومفيهاش حد ياخد باله مني

محدش يزعل انا عارفه ان فيه ناس كثير قوي بتحبني الحمدلله بس "براء" احساس مختلف ، لحد ما القطر مشي وانا ماسكة نفسي وجيت الشغل وفضلت طول النهار مش مركزة ودلوقتي بس عيني دمعت صحيح باتصل بيه واتطمن عليه وهو كويس الحمدلله لكنه سافر وانا فضلت هنا لوحدي
يارب تكون كويس

هناك 6 تعليقات:

محمد السيد يقول...

ربنا يخليك ليها ...

ويخليكي ليه ...

ويخليكوا للدنيا كلها ...

مصـ( الخير )ـعب يقول...

معلش يا دعاء..

أنا مش عارف إنه إحساس صعب أوي.. وعارف إن ما حدش حاسس بيكي زيك..

بس صدقيني أيام وهتعدي.. وهو مش هيفرح إلا لما تكوني انتي فرحانة.. يللا اضحكي..

وبعدين أنا عندي اقتراح ما تسافري تقضي الويك إند هناك :)

يللا بقى اضحكي..
لا اضحكي من جوا

Dananeer يقول...

يرجع بالسلامه

بنت امي الغالية يقول...

الله يسلمك ياجميلة ومرسي يا محمد وانت طبعا فاهمني يا مصاعيبو
ياريت تدعوا له عشان امتحاناته

dead man يقول...

ربنا يوفقه في اللى هو مسافرله.. وان شاء الله يرجع بالسلامة

shaimaa يقول...

rbna ye7'leko lb3d yarab..w yeng7o w yerg3lk blsalama isa