الأربعاء، ديسمبر ٢٧، ٢٠٠٦

انا متضايقة


انا متضايقة قوي........ودموعي اثبتت انها الصديق الوحيد

هناك ٢٣ تعليقًا:

dead man يقول...

ربما لآ ترين الأصدقاء لأنك تنظين إليهم من وراء دموعك.. فلا ترين أحد

مُصْعَب إِبْرَاهِيم يقول...

معلش يا دعاء، بس أنا لو مكانك أو ما أعرف إن دموعي هي صديقي الوحيد هأبتسم

أصدق الحزن ابتسامة في عيون دامعة
ربنا يعينك

ام مليكة يقول...

صح ياهواري بس ساعات الواحد فعلا بيبقى محتاج حد ويفتكر انه قريب قوي منه وفجاة يلاقيه بعيد قوي
على رايكي امصعب الدموع صديق جيد فعلا بس الابتسامة مش راضية تيجي

SOLITUDE® يقول...

مصيرها تيجي
متقلقيش
:D

محمد السيد..مش حاسكت يقول...
أزال المؤلف هذا التعليق.
محمد السيد..مش حاسكت يقول...

متضايقة؟؟؟ آه لو تعرفي إنت في نعمة قد إيه ؟؟

أقولك بجد ؟؟؟ معاكي اتنين علقوا قبليا ..يتحطوا علي الجرح يطيب ...

معاكي عريس ... تتمناه أي بنت ..

معاكي بنت اسمها (مني)... الطبيعي وإنت بتكلميها إنك تحسي براحة غريييييييبة .... تشيل أي ضيق جواكي ...


معاكي فريق عشرينات بكل اللي فيه ...

معاكي بلدك الصغيرة ...

ومعاكي ... فوق ده كله .... رب ودود عطوف رحيم حليم ... رزقك بكل ده ... وعايزة برضه تفضلي متضايقة ؟؟؟

طيب غيرك يعمل إيه ؟؟؟

عمرو عزت يقول...

الكلام ده شكله خطير جدا
الطيب أحسن
و الصلح خير

قطر الندي يقول...

دودي اوعي يكون الواد براء اللي مزعلك ؟؟ لو هو قوليلي علشان اخاصمه

بس انتي ماتزعليش ابداًعارفه اجمل رد علي البوست بتاعك قاله محمد بجد انتي محظوظه و يارب يزيد نعمه عليكي كمان و كمان

BackBone يقول...

مره احد قاللي حاجه و انا مشيت عليها

قاللي اي بنت عيز تتجوزها هتلاقيلها مليون سبب عشان تحبها و مليون سبب عشان تكرها, فكر دايماً بعقلك و بعدين قرر عايز تحبها و الاتكرهها و بعدين هتلاقي الاسباب اللي تقنعك

من سعتها و انا ديماً شايف الدنيا ديه علي انها بنت حلوه و من ساعتها و انا بحبها حتي لو اتخنقنا بس انا عارف اني مليش غيرها مراتي (الدنيا)ـ

حبي جوزك

Dananeer يقول...

اتمنى تكونى بخير

emz يقول...

كل سنة و انتى طيبة
و الابتسامة اكيد هتيجى فى يوم

shabfa2re يقول...

ربنا يفك كربك ان شاء الله

واحد من الناس يقول...

حاسس بيكي

واحد من الناس يقول...

دعاء تاني وتالت الاغنية اللي انتي عملتيها رااائععععععععععععععععةةةةةةةةة

كمان وكمان

اعملي كده كمان وكمان

maged stephen يقول...

لو سمحتى ياريت تمسحى الدمعة دى اللى على خدهاوبسرعة
أرجوكى
بصى
أربت جدا تلمس شفايفها
أمسحيها الأول وبعدين هنشوف موضوعك ايه
أنا هأبتدى أعيط زيك
ليه كده دى ملاك بيعيط وهان عليكى تسبيها كده؟

frozen love يقول...

حرام عليكي...دي صورة دي..وجعتني قوي

بنت الحياه يقول...

ساعات دموعنا بتغزل فينا حاجات مش قادرين علي قسوتها، لكن اوعي دموعك تشق مجري فخدودك أو ترسم ملامحك، الدمعة نقطة نور، توريكي كل اللي انتي مش شايفاه..بس انتي بصي كويس، وانتي تشوفي :)

مـحـمـد مـفـيـد يقول...

الحزن جوه كل واحد\ فينا بس لازم ناخده الدافع للتغلب عليه

أجدع واحد في الشارع يقول...

الدموع

بجد هى اللى بتودى الوجع

بجد كش انتى لوحدك فى الحاله دى

ربنا معانا كلنا

ام مليكة يقول...

متشكرة ياجماعة على تعليقاتكم بجد فرحتوني من زمان قوي محستش الاحساس ده اني عندي ناس بيفكروا في زعلي حتى لو منعرفش بعض وحتى لو اول مرة اعرفهم
مرسي يا محمد على ملاحظتك الجميلة انا فعلا محظوظة وباحب براء قوي بس عارف لما بيزعلني باحس اني باموت ومبقدرش ابقى كويسه
وقطر الندى انا خلاص سامحته مش تزعلي منه بقى
BackBone أما
فانا مش عارفه اشكرك ازاي التشبيه ده حلو قوي يسلم عقلك
وشكرا دنانير وشاب فقير وايمز وواحد
من الناس ومرسي على رايك في الكليب
وشكرا قوي لبنت الحياة ومحمد مفيد
وانا اسفة قوي يافروزن لاف مكنتش اقصد سامحيني بس انا فعلا كنت تعبانة
يلا الحمد لله وربنا ميخليش اي بني ادم على وش الارض حزين

محمد السيد..مش حاسكت يقول...

ربنا ما يجيب زعل يا ستي ...

وبعدين هو مش عارف معاه مين ؟؟؟

لو نسي فكريه ...

فكريه بكل الحاجات "الحظوظ" اللي قلتها لك .. وعرفيه ربنا رازقه بمين ...

ونادي له كل معارفه وصحابه يقولوا له علي النعمة اللي في إيده ... الهبة اللي ربنا وهبها له ...

وعقبال كده ما أجى أدور معاكم علي عرسان لبنت البلد الجاية ...

تصبحي علي خير .. وحب ... وهناء ... وراحة بال ...

سلامز

محمد السيد..مش حاسكت يقول...

ولا عروسة للواد أنس أحسن ...

أصلها دلوقتي بقت ... اخطب لابنك ومتخطبش لبنتك

ربنا يخليكوا لبعض ....

ام مليكة يقول...

ههههههههههههه
يخرب عقلك يا محمد انت بجد ضحكتني كلامك جامد بس ياريت بقى انت تفكره هو معاه مين
اما بقى بالنسبة للعرسان انا بناتي بس هيكونوا مطرقعين شوية يلا انت شد حيلك وهات الولاد اللي يتجوزوهم اما أنس بيه فده الباشا بقى يعني يدور براحته بصراحة مش هادور ولا اشغل بالي اصله هيطلع عندي لابوه فانا اريح دماغي احسن