الأحد، ديسمبر ١٠، ٢٠٠٦

يوم في دريم بارك....










يوم جميل ومختلف مع ناس قريبين وناس نعرفهم من بعيد لبعيد بس في الحقيقة كان يوم جميل



يوم الخميس بالليل اتصل مصاعيبو ببراء وقال له ميعاد رحلة دريم بارك اللي عاملاها الشركة في الحقيقة كنا تعبانين لان الاربع والخميس كان فيه حالة وفاة في 8عائلة براء بس قلنا يلا اهو تغيير وكمان نشوف الناس





الساعة 6 الصبح صحيت بدري عشان اعمل السندوتشات وبصراحة كنت ناويةة الغي الفكرة بس مينفعش الجوع... وهواري ومصعب كانوا قتلوني لو عملت كده ونفعت السندوتشات وفضلنا طول اليوم ناكل بعد كل لعبة





في دريم بارك قام احمد رفعت بدور المرشد في المدينة اللي كنت اول مرة ازورها وكان مرشد شاطر ومفيد إلى اقصى درجة



لبعنا وبدانا بلعبة خطيرة قوي اللي هي " توب سباين" وانا كنت هاموت من الخوف وانا طالعة من اللي شفته بيحصل في الناس وخفت اكثر لما براء نزل لان الكرسي ضيق عليه وهو كان مبسوط قوي انه نزل لانه كان مرعوووووووب



نزلنا من اللعبة ورحنا نصلي الجمعة وبعدها نزلنا الشلالات وكانت جامدة قوي لدلاجة اننا لعبناها مرتين



اللعبة اللي جاية اخطر لبعة شفتها في حياتي هو صحيح فيه لعب كثير شفتها في دريم بارك زي قطر الموت والصاروخ بس دي اخطر واحدة جربتها وهي لعبة "الحلقة الدوارة" او الغسالة زي ما بيسموها في مصر اللعبة بتلف لحد ما تعمل 90 درجة وساعتها تبقى فوق وفجاة تبقى تحت بمنتهى الرسعة وانا فوق كنت مرعوبة بس غضلت مركزة انا لازم اقاوم واتحمل واجاهد عشان قلبي ما يقفش من الخوف كنت راكبة مع براء وفضلت اتكلم معاه واقوله اني مش هازعله تاني ابدا واني باحبه قوي و........





باقي الالعاب مكنتش اقدر العبهخا بس ريم الجامدة اختا مروة وداليا والهواري كان قلبهم جامد ومفغيش لعبة ملعبوهاش ربنا يقويهم بقى







اليوم خلص بسرعة وروحنا على الاتوبيسات واتلمينا عشان نروح كنا هلكانينن بس كان يوم جامد قوي يمكن عشان متفسحناش من زمان بس الاكيد ان الصحبة كانت حلوة قوي






ودلوقتي ممكن تسعدنا وتتفرج ع الصور

هناك ٨ تعليقات:

مُصْعَب إِبْرَاهِيم يقول...

واضح إنك كنتي مرعوبة وقلبك مش جامد لدرجة إن في أخطاء إملائية في التدوينة اللي بتوصفي فيها اللي حصل :)

ههههههههههههه

كان يوم جامد أوي، والحمدلله إنك ما لغيتيش فكرة الساندويتشات و إلا ......

ام مليكة يقول...

اه فعلا انا كنت مرعوبة وعلى فكرة الرعب كان من قبل الرحلة بكم يوم وهاحكي الحدوتة دي بعدين
لازم فضايح يعني يامصاعيبو

nour يقول...

على فكرة انا شفت كل صور الرحلة دى كأنى كنت معاكو بس لسه بقول يا بختكوااا

SaSo يقول...

انتى موش كنتى رايحه الجزاير
ايه اللى خلاها تبقى دريم بارك؟

روحي و روحي يقول...

واضح إنه يوم جميل و هيبقي ذكري تحفه إنشاء الله
سمر

aw2atyadonya يقول...

ربنا يسعدكم
بقالى زمن
مش بخرج
ولا بتفسح
ولا بطلع رحلات
:)

Ahmed Elshaer يقول...

سلام عليكم
لم استطع ان اتمالك دموعي التي راحت تتسارع رغم محاولاتي المتتاليه لردعها
وها انا ذا اشاهد من بعيد بعد ان كنت احد المشاركين
للسفر سبع فوائد لكن للأسف لم يذكروا لنا حجم أضراره
أفتقدكم كلكم

أحمد جودة

غير معرف يقول...

انا عايزة اقول لكى ان لعبة الغسالة مش اصعب واحدة الديسكفرى هى اصعب واحدة بس واضح ان انت قلبك ضعيف جدا بس واضح انة كان يوم جميييييل جدا وربنا يكررها تانى ان شاء الله لانى رحت قبل كدة مرتين