السبت، يوليو 29، 2006

عارف.........وحشتني


أن شاء الله خير...!
قلتها وانا واثقة في ربنا بس الساعات عدت ثقيلة وطويلة وبراء لسه ما اتصلش مش عارفه ليه؟
ربنا يستر
عارف..انت وحشتني قوي
وحشتني من اول الاسبوع الللي عرفت انك مسافر فيه
ووحشتني من يوم ما اخدت تذكرة السفر
ووشتني قوي قبل ما تسافر
ووحشتني النهارده الصبح في المطار
ووحشتني قوي لما موبايلك اتقفل
يارب تكون بخير
عارف................انت المهم
اول ما جيت الصبح حسيت اني عايزة اقعد على جهازك واحط صورتك ع الديسك توب كبيرة ومنورة لاني لسه عايزة احس انك هنا
يمكن الاقيك داخل من الباب وعندك حكايات كثير
او داخل تنادي على زين ونصر وعندك خبر جديد
او حتى داخل بكانز ميراندا اناناس عشان دودو
وحشتني .............

هناك 10 تعليقات:

Dr. Tantawy يقول...

مبروك الخطوووبه و عقبالنا جميعا ههههه
البراء راح قطر يعمل ايه :) هوه جاله عقد عمل في السعوديه و هيبعنا ولا ايه

shab masry يقول...

ربنا يرجعه بالسلامه ان شاء الله.. وان كنت عندى ملاحظة صغيرة بس على الي حضرتك كتبتيه... اكيد حضرتك عارفه كويس ان هو لسه خطيبك مش زوجك..

والخطيب هو شخص غريب شرعاً.. لا يجوز له اى شئ مطلقاً وانما هو مجرد شخص اعطى وعد بالزواج.. يعنى هو زى شخص غريب بالنسبة ليكى.. فمينفعش شرعاً تقولى وحشتنى..

يعنى انتى ينفع تقولى لواحد غريب انت وحشتنى....

ياريت بس تراعوا الحتة دي شوية عشان ربنا يباركلكم في زواجكم باذن الله تعالى... وان شاء الله ربنا يتم هذا الزواج بخير...

m_elmenofy يقول...
أزال أحد مشرفي المدونة هذا التعليق.
memo يقول...

يا بخته ... ان شاء يرجع بالسلامة

مـحـمـد مـفـيـد يقول...

ادام الله عليكم نعمه الحب المتبادل والوفاء في زمن قلما تجد هذا

بنت امي الغالية يقول...

الى الشاب المصري شكرا على تعليقك وشكرا على النصيحة

BackBone يقول...

يعم الشاب المصري مينفعش تقوله وحشتني ليه بس. يعني الواد خاطبها و دافع شبكه و في الاخر حتي متقولوش وحشتني.

قليله يابنتي و حشتني و هتوحشني و بتوحشني الواد يعيني في الغربه و محتاج صوتك يطمنو من جوا, م و مش هي دي الكلمه اللي هتبوز الدنيا. عشان بس متفهمش غلط انا مش بقولك اعملي حاجه حرام بس كل ما خطيبك يحس انك بتراعي ربنا هيطمنلك اكتر هيحبك اكتر ان شاء الله. بس يعني مش هيه كلمت و حشتني اللي هتخرب مالطه.

ايلا هوه بيرو رجع و لا لسه؟ تصدقي وحشني انا كمان :)

fadwa يقول...

ربنا يرجعهولك بأف سلامه
و على فكره مش وحشتني هي اللي تدخلك النار يعني
بس بقى ازاي مينفعش نبطل تعصب
و أكيد أنتي حره تقوليلوا كل اللي انتي عايزاه
خلوا بالكو من بعد
و يارب توحشوا بعد دايما

Abdelrahman M يقول...

ههههههههههه
انا الاول مش عارف انا برد متأخر اد ايه ..
لكن اهه رد والسلام ..
ثانيا ربنا يرجع براء وعمرو مجدي بالسلامه :)
ويارب تكون الدوره عجبتهم والجزيره نفعت :D
أنا فكرت كتير في كلام شاب مصري على فكره
الكلام مش وحش يا اخواننا علشان تاخدوه كده .. لكن هي نصيحه الراجل شايف انها صح .. ودعاء تقبلتها وشكرته :)
عموما .. ربنا يسعدكم ويهنيكم يا دعاء .. وياريت تعتبري ردي هنا رد على كل التدوينات التانيه اللي قراتها كلها - مش اللي في الارشيف طبعا - واللي عجبتني جدا جدا جدا ..
وعلى فكره يا فدوى .. لو دعاء اقتنعت بكلام شاب مصري وشافت انه حرام انها تقول وحشتني على العام أو في البلوج عموما .. وقالتها بعدين .. ممكن تكون دي هي اللي تدخلها النار ..
لكن الموضوع راجع لها في الاول والاخر
وسلام أخير :)
عبدالرحمن

واحد من الناس يقول...

اوعدنا يا رب بحد احيه و يحبنى...يهتم بى واهتو بيه ..يحسسنى انى عايش