الأربعاء، أغسطس ٠١، ٢٠٠٧

النهارده فرحها ياجدعان


دودو الحلوة فرحها النهارده، انا أول ما عرفت الخبر من يومين مصدقتش نفسي بسرعة كده ومن غير ما اساعدها في اي حاجة في جوازها مع انها اكثر واحدة وقفت جنبي، يا حبيبتي ياادودو هتدخلي الخية بدري يا روحي


كلمتني وقالت لي الخبر في نفس اللحظة اللي عرفت فيها الموضوع وقالت لي انها اشفقت علي من المشاوير لاني حامل وكفاية علي اللي انا فيه بس ده مش مبرر انا لسه كل ما اشوف الستاير افتكر اليوم الطويل اللي نزلنا فيه الازهر عشان نشتري الستاير وكان يوم حد ياحلاوة يعني أجازة المهم ربنا ستر وليقنا محل مفتوح واشترينا وروحنا


دودو بنت سكر قوي وجدعة قوي وحبوبة جدا وكلها مشاعر لطيفة بحبها قوي ولسه في بالي اليوم اللي رحنا فيه كلنا بيتهم اللي على طريق الاسماعيلية وعملنا غدا معتبر وكان يوم مالهوش حل ان شاء الله نكرره بقى بس المرة دي مع الاستاذ طاهر


امبارح كانت الحنة وكتب الكتاب، ودي اول مرة احضر فيها كتب كتاب مكنتش اعرف اللي بيحصل بس طلعت حاجة حلوة قوي قعدنا ندعي مع الماذون واحنا رافعين ايدينا لربنا وبعد ما كتبوا الكتبا حضنتها وكانت بتعيط قوي وكانها مش مستوعبة فكرتني بيوم فرحي بس انا عيطت متاخر شوية قبل ما اخرج من بيتنا على طول


بارك الله لهما وبارك عليهما وجمع بينهما في خير

هناك ٧ تعليقات:

غير معرف يقول...

"بارك الله لهما وبارك عليهما وجمع بينهما في خير"
ألف مبروك

rana 3amra يقول...

مبرووووووووووك
:))))))))

سندباد يقول...

اول مرة اجي مدونتك الاقي فرح بشرة خير
تحياتي

Mony The Angel يقول...

Mabrooooooooooooooooooooooooook

david santos يقول...

The purchase of weapons for Mubarak to the Bush terrorist will be for making peace, or will be for taking the American terrorism for the Egipto?

The great people of the Egipto that is intent.

Of these two cannot come nothing of good.

David Santos (Portuguese)

اميرة هشام يقول...

بارك الله لكما وبارك عليكما وجمع بينكما في خير


الف الف الف الف مبروك يادودو
وعقبال ولادك وبناتك والفسيفساء بنت دعاء وبراء ان شاء الله

خلود صلاح يقول...

الف مبروك يا دودو والى عايز يشوف صورها يدخل على المدونة بتاعتى
kholoudsalah.blogspot.com