الأربعاء، مايو ٢٣، ٢٠٠٧

ليلة إمبارح ما جانيش نوم


مش عارفه ليه معرفتش انام امبارح خالص وكاني كنت في غيبوبة ومش حاسة براسي ولا بجسمي كله، رشا صاحبتي حبيبتي كانت عندي وقعدت تحكي لي عن حياتها صحيح عندها مشاكل كثيرة وكبيرة لكن انشغلت عليها قوي وحسيت انها مظلمومة وهشه والمشاكل دي ممكن تاثر عليها بعد ما جرحتها وخلتها حزينة....


رشا نزلت على الساعة 11 وكنت هاموت وانام قعدت اتفرج على برامج التلفزيوم من الشارة مساء الى 90 دقيقة وبعدها قررت اقرا شوية في شيكاغو ورحت في النوم لمدة ربع ساعة صحيت اطفي النور واشيل الرواية معرفتش انام لحد الساعة 3 وبعدين نمت وصحيت فجاة الساعة 4.15 قبل الفجر وبعدها بثانية لقيت براء بيكلمني ويقول لي انه عايزنا نصلي الفجر ونقول دعاء واحد في الصلاة الفكرة عجبتني قوي واستغربت ازاي عرف اني صاحية...


صليت ودعينا وبرضه مجانيش نوم لحد الصبح وفضلت احاول انام لحد السعاة ما بقة 10 الصبح قمت كويت هدوم وسبتها ولبست هدوم تانية خالص ونزلت الشغل

هناك ٨ تعليقات:

محمود على يقول...

اكيد قلقانه علشان براء مسافر
انشاء الله يرجع بالسلامه

Reemo يقول...

تلاقيكى كنتى بتفكرى كتير
وخاصه ان براء مسافر
حاولى تبطلى تفكير شويه
كوبايه لبن دافى وومعلقه عسل هتخليكى تنامى بهدوء
يارب براء يرجع بالسلامه
ربنا يكرمك ويسعدك
تحياتى

ام مليكة يقول...

مرسي يا حبي ان شاء اعمل اللي انت قلتي عليه...

غير معرف يقول...

هو فعلا اللي بيقوله عليه ده يا دودو

mahmoud يقول...

ربنا يرجعهولك بألف سلامة
و انشالله تفرحو دايماً

غير معرف يقول...

لسه ناوي عالرحيل تفتكر مالهوش بديل
أعمل ايه في الوحدة و انت مش هنا
أعمل ايه أعمل ايه
و منين أجيب صبر لسنه
أعمل ايه أعمل ايه
من سؤال مهزوم بترجى الجواب
مش بتقصد عيني يا حبيبي العتاب
سيبك انت من دموع العين
و قولي
خدت ايه في شنطه سفر او ايه فاضللي
خدت من صبري وطريقي منتهاه
مش معاك نبضي اللي تاه
خدت صورتي
شوف كده لا تكون نسيت عمري و صباه
ولا احساسي بكياني وبالحياه
اما حيرتي والعذاب ملكي انا
هما أصحابي في غيابك طول سنه
يا حبيبي يا حبيبي
يا حبيبي يا حبيبي
قد عمري قلتهالك
و انت جنبي بأبقى لسه مشتاقلك
مأنت عارف انت سامع أنة الليل و الشوارع
كل حبة رمل بتقولك حرام حرام
أتحرم حضن الخطاوي و فين أنام
والطريق مايل بحمله مالعتاب
والنسيم حس بفراقك سحره نام
كل حاجة رافضه بعدك
مش هتفضل هيه بعدك
صعب أصدق
لو ضروري
تفوتني خد مني الحنين
و اختصر بعد السنه خليه يومين
لو ضروري
قبل ما تسافر بعمري أسجن الشوق والمنى
و أطلق الصبر في وريدي
قبل ما يطول بعدنا
لو ضروري
حتى لو طال بعدنا
أنت هنا

momken يقول...

معلش الوحده صعبه ياكبدى وبعدين مانتى غلطانه برضوا رشا كان شكلها جايه وناويه على عشا بياته كنتى نيميها عندك ترغى معاكى تفتكرى ايام زمان لحد ما يكبس عليكوا النوم لكن تقعدى تفكرى يا ضنايا طول الليل زى العوانس هيجى النوم منين

ام مليكة يقول...

هههههههههه
تفتكر يعتي الفكرة دي ما جتش في بالي بس هي كمان ست متجوزة ومينعش تسيب جوزها يبات لوحده برضه فيه اصول يعني