الاثنين، أبريل ٠٢، ٢٠٠٧

ابو رفعت....الواد الجن

كنت عايزة اكتب عنه من زمااااااااااااااان وبعدين قعدت أفكر اكتب ايه لقيت ان احسن طريقة اكتب بها عنه اني انشر صوره في كل حالاته اللي اسعدنا الحظ وشفناه فيها وابقى ضربت عصفورين بحجر واحد يعني سرقت منه فكرة التدوين المصور وكمان نور مدونتي.

هو شخص فظيع بكل المقاييس يعني لما تشوفه كده تحتار فيه وبعد ما تتعامل معاه تلاقيه حد طيوب قوي "رفعت السكره" زميلنا في الشغل بس مكناش واخدين على بعض وبعدين بصراحة مش فاكره غير انه كل يوم الصبح ييجي عشرينات يصبح علينا وعلى وشه ابتسامه هايلة وكل مرة اسال نفسي هو على طول بيضحك ليه ده اكيد تمثيل يعني ...
بعد كده رحنا دريم بارك مع بعض في الشركة وهناك انقلبت الموازين خالص رجعنا من الرحلة ورفعت صاحبنا كلنا ..
بعدها بكم شهر جه موضوع عملية الزايدة بتاعة مصعب ورفعت بصراحة كان اكثر واحد تعب فينا وفضل مراقب مصعب وواخد باله من كل حاجة خاصه به
.....بصوا انا مش هاحكي اتفرجوا انتوا بقى

اول مرة نشوفه على طبيعته في دريم بارك
مشغووووووووووول ومركز مع كل الناس

اللي ميعجبوش ميكلموش
فرقة دريم بارك للعزف الجماعي

طبعا اصحاب مصاعيبو ورفعت


محور الشر

المنسق العام لعملية الزائدة


في تعريف بمصاعيبو

يوم نقل عفشنا
في صالة بيتنا المتواضع مع ندا وعلاء


عقبال عنده يارب شايل كرسي السفرة


قاعد على الانتريه اللي قام بدور قومي في اصلاحه وعلى فكره احمد اول واحد يقعد ع الانتريه
قعدة انسجام مع المخدات

كشري على كنبة الانتريه عشان خاطر رفعت
في مناظره

في قعدة مع حاموزطبيب اسنان حضرته"دول صفين لولي"

في السويس قال ايه رايحين يتغدوا وراجعين
في مراية العربية في السويس
دايما تليفونه مشغول لو عايز تكلمه ومفيش معاك رصيد ابعت له كلمني شكرا عشان مبيردش ع الارقام الغريبة
أأأأأأأأأأأأه نسيت اقول لكم ان كل الصور اللي فوق التقطتها كاميرا رفعت اللي ميروحش مكان غير وهي معاه في كل حتة تلاقيه جحاهز شغااااااااااااااااال على راي يونيفرسال

هناك ١٧ تعليقًا:

مُصْعَب إِبْرَاهِيم يقول...

أبو رفعت السكرة

عاجباني الصورة التانية وبنطلونه مبلول :P (كنا في دريم بارك ما حدش يفهم غلط)

خير ما عملتي يا دعاء

هو يستحق أكتر من كده بكتيييييييييييييير

shabfa2re يقول...

كفايا بقى
ارحمووونا
ما يصحش كد
كل شوية تحطوا صور م الشقة
وانا قلبى ينقبض ويتزحزح وينتشر
ويتوغل ويتوغل ويتوغل
ولن اتنازل عن موقعى تحت الشمس
وسأقود الحملة بكل ضراوة
تباً للمدبلين
الذين يلبسون الدبل
دون مراعاة لاخوانهم اللى مش لابسين دبل ولا حتى محبس
تشتعل الفتن الطائفية بسبب ارتداء الدبل
وانتوا ولا على بالكو

قضية عم أحمد Ahmed Case يقول...

أختي ومرات اخويا العزيزة دعاء
والله مش عارف أقولك ايه ومش عارف أشكرك ازاي على هذه الكلمات وعلى هذه الصور وعلى هذه الذكريات الجميلة شكرا لكم فانتم من تسعدوني دائماً لأني أومن أننا لن نستمتع بالسعادة إلا إذا تقاسمنها مع الآخرين وأنتم بارعون في توزيع السعادة قسمة عادلة على من حولكم ...
من عرفكم حقاً عرف معاني جميلة في هذه الحياة من عرفكم حقاً عرف الحب وعرف السعادة وعرف معني الصداقة ....... من عرفكم وجب عليه أن يخرج أحسن ما عنده من أخلاق ومن مشاعر ليحاكي ما عندكم من كرم أخلاق .
دعاء يوم دريم بارك كان يوم رائع بكل المقاييس يكفى إني عرفتكم فيه جيداً واقترب فيه منكم اكثر . دعاء وبراء كنتم من النجوم في ذلك اليوم فعلا كان يوم رائع بكل المقاييس... ...... يوم عملية مصعب عرفت فيه براء الإنسان الذي يبكي من اجل صديق دربة مصعب رأيت في عينيه الصدق والحب والوفاء لصاحب دربه مصعب الخير يوم ما كلمني براء الصبح بقولي على مصعب سمعت صوت براء ولكن ما هو ببراء فكنت اسمع في صوته نبرات القلق ، أنا كنت قلقان على ابتسامة حياتي مصعب ولكنني كنت متماسك جدا لأني اعلم أنها زايدة والموضوع بسيط وعندما اجتمعنا جميعا في غرفة مصعب يومها رأيت ما في عينونكم من صدق وحب لهذا الرجل (مصعب) تيقنك يومها أنكم تستحقون أن يقترب كل من لا يعرفكم منكم لينال نصيبا من هذا الحب والصدق ومن تلك المشاعر الرقيقة.
يوم نقل عفشكم كان يوم كوميدي رائع يجمع بين السعادة و الضحك اللي مش طبيعي (وصورة ندا وهو يرقص بالكرسي شاهد على تلك الملحمة ) وبين التعب والشيل والحط بس يومها كان يوم رائع وعلى فكرة في ذلك اليوم عرفت حمزة وهو شخص رائع احببته كثيرا حين تعاملت معه ونحن الان اصحاب وخارجين يوم الخميس القادم مع بعض كمان 
فكره موقف النيش بتاع براء وحواره الرائع من النجار  احنا عيلتنا كلها عندها نيش ....
يوم الانتريه وخناقتنا مع الراجل بتاع العفش على تغير لون الانتريه .
بعدها بيوم أول قعده على الانتريه وطبق الكشري الساقع والبيبسى السخن اللى شربته وانا قاعد على الانتريه .

بجد يا دعاء من يستحق الشكر هو انتم جميعاً فما أروع صحبتكم .
شكرا دعاء على إدخال السرور على قلبي
شكرا جدا جدا جدا

واسأل الله ان اكون خير مما تظنون وان يغفر لى ما لا تعلمون .

في انتظار يوم فرحكم اللى هنوريكم فيه اللى عمركم ما شفتوه .
شكرا تاني وثالث ورابع .

احمد رفعت

ام مليكة يقول...

دي اقل حاجة يا مصاعيبو رفعت بجد يستاهل اكثر من كده بكثير قوي قوي وعمنا الفقري ياعم طيب ما تخلص نفسك وتظبط امورك وتخطب لو عايز بنوته حلوة وتخطبها واهي دبلة والسلام اما ابو رفعت السكرة بقى فكلامك بجد هايل بس انت برضه احسن مننا كلنا وربنا يديم علاقتنا بالخير ويكرمنا بالصداقة والصدق والحب دايما

غير معرف يقول...

أسماء ::
بجد لو أتكلمت هأقول أه!!ا
كل اللي ممكن أقوله ( الحمد لله إني عرفت أحمد رفعت )
وبجد كلمة أتقالت لي أنا هأقولها لك
هنيأً لأحمد رفعت بأحمد رفعت
وهنيأً لكل من يصادق أحمد رفعت بأحمد رفعت

غير معرف يقول...

أسماء ::
بجد لو أتكلمت هأقول أه!!ا
كل اللي ممكن أقوله ( الحمد لله إني عرفت أحمد رفعت )
وبجد كلمة أتقالت لي أنا هأقولها لك
هنيأً لأحمد رفعت بأحمد رفعت
وهنيأً لكل من يصادق أحمد رفعت بأحمد رفعت

غير معرف يقول...

أسماء ::
على فكرة أنا نفسي اتعرف عليكو كلكو
قريب إن شاء الله
وتسلمو علي اللي أنتو كاتبينه
سلام

hakame hassane يقول...

سلام الله عليكي ورحمته وبركاته انا في البدايه يهمني ااول لحضرتك اني واعت عىلالمدونه بالصطفه وحبيت الموضوع لاكن كل ما بي الموقف اني مش عارف ازاي اضيف ناس ليا انا عملت مدونه بس مش عارف اضيف ازاي الناس ليا
يا رب تخدي بالك وتساعديني
وشكراا ليكي جداا

elkamhawi يقول...

حبيب الكل

shabfa2re يقول...

سأقود الحملة بضراوة
حملة تباً للمدبلين
لغاية ما اتدبل
بس للأسف المتدبلين المخطوبين بس
المتجوزين بقى ربنا يباركلهم
:)

محمد عـنـانـى يقول...

مبروك
مبروك
مبروك
بارك الله لكم وبارك عليكم وجمع بينكم فى خير
ومتنسوناش فى الفرح

khaled يقول...

مبرووكس جامذ عقبال الفرح

متابعين كلنا وهيبقى فرح للمدونين كلهم
هههههه

والراجل الى بيضحك ده برده ميضرش لو

جه الفرح ابقو اعزموه

محمد حمدي يقول...

إنتو شوقتونى أتعرف على الراجل دة بصراحه يا جماعه

لو كنت أعلم يقول...

عزيزتي دعاء أنا بقالي فترة متابعة مدونتك إنت والبرازوجك
واتمنى نصير صديقات
فاكرة لما كنت نفسك يكونلك صديقة تتكلمي معاها في كل حاجة
كان نفسي أنا كمان في صديقة من النوع ده وخصوصاً لو ما نعرفش بعض
_بس أيامها_أعععع ده عياط_
ماكنتش لسه بأعرف أتعامل مع الكيان المسمى مدونة
ياريت أشوفك على المدونة بتاعتي
عشان إحنا كبرنا خلاص وبقى عندنا مدونة _هييييه_لإن إحنا فراعنة سبع تلاف سنة حضارة ، ولا إييه؟؟؟

لو كنت أعلم يقول...

حصل غلطة غير مقصودة والله في التعليق السابق
وللتصحيح
البراء زوجك
زوروني بقى

-_- يقول...

شكله انسان متعاون جدا

غير معرف يقول...

هههههههههه
كان نفسي اكتب في التعليق دا بدون تعليق بس مش ينفع قلت اثبت حضوري وافلسع لحسن تاكلوني
ايه ياستي الحجه الصور دي كلها هما جايبين فيلم الكاميرا ببلاش
هههههههههههه
يلا ربنا يبارك فيكو وتبقا صحوبيه جامده طححححن:)
سلاموووووووووز ابن عمكم الارهابي