الثلاثاء، فبراير ٢٧، ٢٠٠٧

عيد ميلادي فااااااااااات


من كم يوم كان عيد ميلادي وبالتحديد من 12 يوم هتقولوا وليه يعني فاكره تكتبي النهارده؟

هاقول لكم بقى ليه؟

بس الاول هاحكي لكم عن عيد ميلادي شوية اصلي كنت فاكره انه يوم مهم قوي في حياتي كل سنة باستناه وباقعد افكر في شكله ويومه وترتيباته ومين اول بني ادم هيفتكرني برسالة ومين الشخص اللي هيفضل فاكر يوم ميلادي ويعبرني بهدية وينتهي المووضع يوميها باليلل

السنة دي اليوم كان مختلف قوي وغريب قوي غير ما كنت عايزة ولا حاسه خالص كان يوم وحش قوي لدرجة اني قررت انها اخر مرة هافكر في يوم عيد ميلادي ده خالص للابد

السنة دي محدش افتكرني غير اهلي ويسر وشيرين بس والساعة دقت 12 من غير ما رسالة واحدة توصل على موبايلي بالعكس كنت باتخانق مع براء في الشارع واول رسالة وصلت من يسر الساعة 2 تقريبا وشيرين كلمتني تاني يوم لاني كنت اجازة من الشغل واهلي طبعا كانوا اول ناس افتكروني اختي اتصلت بي قبلها بيوم واخويا وماما كمان عموما انا زعلت قوي من اللي حصل وقررت مكتبش لكن كنت مقررة اني اكتب عنه بس اخر الشهر وبم ان الشهر اخره بكره فقلت اكتب يلا اخر سنة وانا طيبة

هناك ١٦ تعليقًا:

مُصْعَب إِبْرَاهِيم يقول...

وأنا أول واحد جاب لك هدية.. عملت الزايدة

ايه رأيك في الهدية دي؟!!

معلش يا دعاء .. هنعوضهالك إن شاء الله

radwa osama يقول...

لما احبطت كذا مرة فى عيد ميلادي ..قررت اني انا اللي احدد شكل عيد ميلادى وازاى احتفل به مش اي حد تاني ..وبعدين زى بعضه انك اتخانقتي مع براء ..كويس يا دودى انه موجود فى حياتك ..تخيلي شكل عيد ميلادك من غير وجود براء ..صعب اظن ..احتفلى يا بنت زي ما انت عاوزه واليوم بتاعك ومهم جدا ..كل سنه وانت طيبه

وشوشني يقول...

مش مهم يا دعاء اي حاجه ازا اهللك مافتكروكيش ولا حتى اصحابك انتي بس تقوليلنا واحنا نعملك عيد ميلاد مخصوص وننشرها في كل الصفحات بس انت كنت تقولي وعلى فكره انا كمان حصل معاي نفس الموقف بس انا زودتها شويه المهم مش انا انت المهمه وعلى العموم كل سنه وانت طيبه وياريت تزوريني تاني ولا هي مرة

محض روح يقول...

يالا يابنتى معلش بتحصل
فى احسن العائلات
كل سنه وانتى طيوبه ياقمر وان شاءالله يكون عيد ميلادك الجى احسن وتكون السنه الجديده حلوه عليكى
:)

اميرة هشام يقول...

كل سنة واني طيبة
واكيد اكيد السنة الجاية هيكون عيد ميلادك احلي

ام مليكة يقول...

ربنا يخليكوا لي يارب الواحد مش عارف من غيركم كان هيعمل ايه، عموما ماشي يا عمنا مصعب هانشوف وانت كمان يارودي عندك حق الواد بيرو ده مع انه مكشر كده بس احسن حاجة حصلت في حياتي، ووشوشني الجميلة بقى ربنا يخليكي يارب وهازورك طبعا كل يوم اوعدك، وانتي طيبة يا محض الروح وعقبال الجميع وامورة الحلوة ربنا يخليكي ومنجيلكيش في حاجة وحشة

عمرو عزت يقول...

كل سنة و انتي طيبة يا دعاء
تعيشي و تفتكري
:)

محمد حمدي يقول...

أنا الوحيد الى مش هتأسف يا دعاء ... لسبب بسيط هو إنى أول يوم أكلمك النهردة , بالتالى سقطت عنى فريضه هديه عيد الميلاد

:)

لكن فى كل الأحوال كل سنه وإنتى طيبه , والسنه الجايه أحسن وأحسن ... ويجعله عامر

:)

سلام

BackBone يقول...

ايه يا جميل زعلان ليه بس
معاش اللي يزعلك, و اللهي مكنت اعرف ان عيد ميلادك فات و لا كنت اعرف امتي اصلا و برده موعدكيش اني هفتكره السنه اللي جايه

بس متزعليش بقه الدنيا كلها متستهلش اصلاً و الحمد لله ان الواحد حواليه اهله و لسه بصحته

و بعدين منا كمان اتخنقت معا المودام بتاعتي يوم عيد ميلادي و خسرت حوالي 700 جنيه كده اترموا في الارض و خبط عربيت امي اللي اصلا كنت سالفها منها بلعافيه و كنا نازلين يميها نشتري الشبكه و مفيش حاجه عجبتنا.

بس عادي هيه الدنيا كده
يوم حلو و يوم مر
و بتبقي بالصدفه لما يبقي يوم عيد ميلادك حلو

فرفش كده ياجميل و متبقاش حمبلي

و بعدين مهما اتخنقتي انتي و براء, مجرد ابتسامه منك بس في وشه وتسمعي كلامه والدنيا تبقي وردي تاني

ام مليكة يقول...

مرسي يا محمد ياحمدي وكمان يافهمي باشا عندك حق طبعا هي الابتسامة بتخلص كل حاجة في الدنيا وعمنا عمرو عزت نورت المدونة

إبـراهيم ... يقول...

كل سنة ، وكل لحظـة وإنتي أجمل وأحلى وأسعد .... ، ويارب السنة الجاية كده تكوني عملتي كل اللي نفسـك فيه

ــــــــــــ


بـس ، خلاااص

elkamhawi يقول...

كل سنة والبشرية طيبة
هتتعوض اكيد

أميرة البلطجية يقول...

انتي حسستيني في البوست دي ان صاحبتي اللي لازم لازم كل سنة تلكمني يوم عيد ميلادي الساعة اتناشر بليل دي نعمة كبيرة اوى
معلش متزعليش
هي الدنيا كده
كل ما نكبر كل ما الصحاب يبعدوا
معلش بجد
وكل سنة وانتي طيبة

عبدالله يقول...

اجمل حاجه ان ناس تفتكرك في عيد ميلادك
بس الاجمل منه انك تنسي انه يوم سنك زاد فيه سنه
:)

علي العموم كل سنه و انتي طيبه

تحياتي

moodysalihamidzic يقول...

وانا كمان السنة اللى فاتت محدش افتكر عيد ميلادى
ولكن للأسف
لما بييجى عيد ميلاد كل اللى حواليا
ببقى فاكر
:(

دعاء عادل يقول...

كل سنه وانتى طيبه يادودو
يادودو كل يوم انتى موجوده فى هو يعتبر عيد
فكل سنه وانتى طيبه ياجميله فى كل لحظه وكل ثانيه مش كل سنه