الاثنين، فبراير 26، 2007

عايزة أصاحب


محتاجة قوي حضن واحدة صاحبتي احط راسي على كتفها وافضل اعيط لحد ما عيني تحمر ووشي يتغير لونه وأنهج وأبقى مش قادرة أصلب طولي

وأصاحب واحدة تانية أحس معاها ان عندي قرين ممكن يختار نفس اختياراتي ويقوم بدوري وانا مش موجودة حد أثق فيه واحكي معاه على راحتي قوي اوق لكل اللي نفسي فيه من غير ما اشيل من كلامي ولا اخبي اي حاجة

وواحدة تالتة أحكي لها واشتكي لها وأقول لها اني محتاجاها قوي بس عايزة واحدة تكون عندها قدرة تستوعبني ، تحسني ، تتحمل عقدي ومشاكلي الشخصية ، أنا ساعات باحسد براء ومصعب باحس في علاقتهم بحب وود وقدرة متناهية على الاستيعاب والغفران مهما كانت الظروف ومهما كان الموقف يابختهم ويارب يخليهم لبعض دايما طول العمر

انا معنديش مواصفات معينة في صحابي بس عايزة اصاحب قوي قوي قوي قوي قو ي

هناك 12 تعليقًا:

اميرة هشام يقول...

عمالة اقدم رجل وآخر رجل وانا بكتب الكومينت ده

احم احم
انا في الخدمة يادعاءولو اني معنديش اي مواصفات من اللي انتي كتبتيها

حتي مش هرضي انك تعيطي لحد ماعينيكي تحمر ولا وشك لونه يتغير

لو شفتك بتعيطي همسح دموعك علطول واقولك مفيش حاجة تستاهل ان العيون الجميلة دي تعيط

عالعموم ياستي جربيني يمكن انفع

وشوشني يقول...

في اي وقت انا معاك على الخط بس انت ناديني وانا علطول اجيلك عشان اساندك على العموم مافيش حاجه تستاهل زعلك وشكرا على الزياره

محض روح يقول...

كتير بنحتاج صحاب يكونو معنا ويحسو بينا واصعب حاجه فعلا لما مابنلقيش الى احنا عيزينه
بصى ياحببتى اكيد فيه فى حياتك ناس يدوكى الى انتى عيزاه مش شرط صحاب
حولى تخرجى من الحاله الى انتى فيها ديه وياستى انا بضم صونى لصوت اميره وانا فى الخدمه عيزه تعيطى تعالى نعيط سوى مش هتلاقى احسن منى ياختشى انا استاذه فى الموضع ده نلم بعض كده ونروح الحسين ونديها عياط وهقولك ليه ده المكان الوحيد الى لما بعبط فيه برتاح جربى
وقولى دينا قالت
وخدى باللك من حاجه زى ماقول مش عرفه هو مين الى قال الصراحه
الملاذ ليس آخر .. الملاذ هو الذات
سلام ياجميل

اميرة هشام يقول...

لا يادينا

انا قلت ان لو شفتها بتعيط همسح دموعها وهضحكها بالعافية

وبعدين ايه النوايا الشريرة دي يادندونة

قولي نتجمع عشان نهيص ونضحك ونلعب
مش يبقي احسن بردو

وعالعموم عشان محدش يزعل
ممكن نخلي 10 دقايق في النص نعيط فيها كلنا

وائل عباس يقول...

لووول
عنوان البوست ده غلط خالص
لما ظهر عندي في المجمع اداني معنى مختلف تماما
انا كنت فاكرك ها تتكلمي عن البنات اللي عاوزة تصاحب ولاد
حاولي تغيريه شوية لان كده معناه مختلف عن مضمونه خالص
ممكن تقولي عايزة أصحاب
أو أي حاجة تانية
علشان كلمة عايزة اصاحب دي خلاص معناها اتغير للاسف وما بقاش بريء
وولاد الحرام ما خلوش لولاد الحلال حاجة
هاهاها

بنت امي الغالية يقول...

شكرا يا اميرة ويا ديناوشكرا ليكم كلكم انا مقدرة مشاعركم ومواقفة قوي على فكرة اميرة وكمان دينا بس انا باتكلم بجد هو ممكن فعلا نلاقي حاجات حلوة من ناس مش صحاب بس انا الصحاب مهمين في حياتي قوي وفعلا مصرة يبقى لي صحاب جداد
انا وائل بقى فانا سعيدة انك علقت على البلوج يا وائل باشا بس انا مش مهم يتفهم ازاي والكلمة دي انا حاساها قوي عشان كده كتبتها زي ما حسيتها

moodysalihamidzic يقول...

سبحان الله
البوست دى كنت هكتب زيها بالظبط
وخليت مصعب يبعتلى صورته مع براء
اقول نفس الكلام ا للى حضرتك كتباه عن صداقتهم
وعن الصداقة عموماً
مع الفارق
انه واضح ان حضرتك ليكى اصدقاء
..يا بختك

غير معرف يقول...

بجد انا اول مره انى احتاج اصاحب بس بجد لو مش جد يبقى بلاش. الديشا ٠١٢٢٧٦٨٧١٨٥

Unknown يقول...

انا عايز اتكلم مع حد افضفضله ويفضفضلي
01060321426

Ahmed Alashram يقول...

انا عايز اتكلم مع حد افضفضله ويفضفضلي
01060321426

Ahmed Alashram يقول...

انا عايز اتكلم مع حد افضفضله ويفضفضلي
01060321426

Ahmed Alashram يقول...

انا عايز اتكلم مع حد افضفضله ويفضفضلي
01060321426