الأحد، فبراير ٢٥، ٢٠٠٧

فين الخير


أنا ماليش نفس اكتب اي حاجة من كم يوم وأنا نفسي ادون بس مش عارفه مالي حاسه ان الكلام خانقني وان الكتابة مش هتنصفني...

مش هاعرف اعبر عن احساسي نفسي اكتب عن مشاعري مع براء في مرحلة الاعداد للجواز ونفسي ارد على تاجات مصعب واتكلم مع الناس عني وعن خفاياي القليلة ونفسي اكتب موضوع عن غباء التقاليد واعترف اني مش قادرة اتحرر من قيود المجتمع الغريبة اللي عاايشه فيها...


وعايزة احكي عن شعوري بالضياع مش عارفه ليه ولا ازاي بس انا تعبت قوي ومش لاقيه حد خالص يقف جنبي اكتشفت ان الناس مصالح بدرجة كبيرة وحتى مووضع اعمل الخير وارميه البحر ده مش صحيح لاني عملت خير كثير ومش لاقياه وانا في امس الحاجة اليه ولا يمكن العيب في وعملت الخير بس رميته في حتة تانية غير البحر عموما انا متضايقة وخلاص

هناك ١٠ تعليقات:

SOLITUDE® يقول...

أكتر حاجة تخنق من اللي قلتي عليهم هو موضوع غباء التقاليد
حاجة تجيب شلل بجد
مجتمع مليان إزدواجية ونفاق وغباء
حاجة تقرف

hana zain يقول...

دعاء............ انا ممكن اسمعك


كلميني لو حبيبتي

و ها سمعك و بس

اسمي هنادي

ايميلي hanadizainal@hotmail.com

moodysalihamidzic يقول...

الناس مصلحجية مووووووووووووت
بس ما اقدرش ما اساعدش حد محتاج مساعدة برده
بس برفض اى مساعدة من كل الناس

ام مليكة يقول...

شكرا يا هنادي ربنا يكرمك يارب انا هابعت لك ميل حالا وياريت تردي علي برقم تليفونك، مرسي لكم كلكم

اميرة هشام يقول...

دعاء الخير عمره مبيروح ابدااا
ولو متردلكيش من نفس الشخص هتردلك من حد تاني
لانك بتعاملي ربنا في الناس

وبعدين ايه مش لاقية حد يقف جانبك دي؟
وامال احنا رحنا فين

وشوشني يقول...

اوعي تزعلي ابدا وبلاش التشاءوم انتي ايدك بتكتب لوحدها مهمها ان كان المهم يارب تكوني بخير وهمومك وارمي همومك في اي حته مش مهم البحر

وشوشني يقول...

مممكن تكلميني
hwahma3_2007@hotmail.com
hwahma3_2007@yahoo.com

Dananeer يقول...

دعاء ان شاء الله الدنيا حتحسن
يارب انتى كمان تكونى احسن

للاسف التقاليد لجام كتير بيكون اعمى و غبى
المشكله اننا لما بنقف قدامها بنتوجع حتى من اقرب الناس لينا
بس ده مش معناه دايما نقبلها

الضربات بتقوى
المشكله ان الواحد يوم بعد يوم بيتعلم الحذر و البعد

ام مليكة يقول...

مرسي يا جماعة انا بجد متشكرة قوي انتوا فعلا قويتوني هو صحيح احنا يمكن مشفناش بعض ويمكن فيه ناس انا معرفهاش غير من التعليقات بس بجد غيرتوا حاجات وعملتوا تاثير قوي في ربنا يخليكم لي يارب واوعدكم هابقى كويسه

غير معرف يقول...

انا كتبت فقوقل عن التحرر من التقاليد ولقيت مقالك الوحيد الي بيتكلم عن معاناتي انا من السعودية ومش قدرة اتخيل حياتي قد ايش حتكون احلى لو ماكنتش سعودية انا مخنوقه كل يوم بموت ولحد حاسس انا بدات افكر اني اهرب الحياة قصيرة على انو ندفع ثمن غباء مجتمعنا كلو عايش الا انتي انا مش صغيرة انا عمري 26 سنة ومش حابة اضيع وقت اكثر من اللي ضاع قدام عينيا