الخميس، فبراير ٠١، ٢٠٠٧

النهارده عيد حبنا


كل سنة وانت طيبة.... امبارح كان عيد حبنا انتي نسيتي ولا ايه؟" قالها براء اول ما فاق من النوم اللي بيحبه اكثر مني على ما اعتقد كانت الساعة واحدة ونص بعد الظهر

طبعا انا منستش اليوم ولا انه عيد حبنا ولا حاجة لكن انا افتكرت امبارح ومرضتش احرج براء واحسسه انه نسي يوم مهم زي كده" الله اعلم " وفضلت اسكت وخلاص مشكده وبس لكن كمان عيد حبنا النهارده مش امبارح لان امبارح كان اول يوم نروح مكان مع بعض بعيدا عن الشغل

فاكر يوم حبنا يابيرو؟

الغريبة ان يوم حبنا مرتبط بشكل او باخر بمعرض الكتاب يومها براء باشا اتاخر على الصبح وكنت انا مستنية في عبد المنعم رياض وكان نايم برضه زي كل يوم يعني وقعدت انا ع الرصيف لاني مرحتش المعرض قبل كده ابدا ووصل اخيرا وركبا المين باص ورحنا المعرض


يومها اكتشفت ان براء ده شخص تاني خالص مختلف عن الكائن الغريب اللي احنا نعرفه في الشغل ، في المكتب تلاقي براء دايما يتكلم بسرعة وينقد الناس ويطلع في شغلهم القطط الفاطسه في الحقيقة براء انسان طيب قوي وبيتكسف جدا من الناس وخجول الى اقصى درجة وحنين قوي


يومها مكنتش اتخيل ابدا ان موضوع معرض الكتاب ده مترتب وانه محدد هدفه من بدري وعارف انه عايز يخلي والده اللي عنده مكان للعرض في معرض الكتاب يشوفني وتخلص الليلة من غير ما اعرف اي حاجة عن الموضوع


المهم من غير ما اطول عليكم حبينا بعض بسرعة البرق معرفش ازاي ومعرفش ايه اللي حصل بس المهم ان النهارده عيد حبنا

هناك ١١ تعليقًا:

abderrahman يقول...

معلش اعتبروه تعليق واحد حقود بائس
انا زرت مدونة الاستاذ براء ومدونتك قبل كده

بس بيجيلي انطباع لما أقرا كتابات زي اللي مكتوبة هنا في البوست ده عن حالةالحب الجميلة دي زي مايكون بتغيظوا حد، أو بتكيدوا العوازل..
ولا الموضوع على اساس "واما بنعمة ربك فحدث".
:)

داروا على شمعتكم يا شباب.. وربنا يوفق

Abd El Rahman Magdy يقول...

ربنا يخليكوا لبعض

moodysalihamidzic يقول...

ربنا يسعدكوا يارب

Dananeer يقول...

كل سنه و انتوا طيبين

SaudiDDS يقول...

هممم

أنا اتفق مع عبده باشا بصراحة

و بما انه المجال مفتوح للتعليق ...ممكن اعلق و اقول :
ربنا يخليكم لبعض، بس نفس احساس عبده باشا بحسه لما اقرأ مدونتك

فيه مدونات كثير اتكلموا اصحابها عن حبهم و فرحتهم بخطوبة او زواج او حب جديد....بس عمري ما حسيت بالاحساس اللي بأحسه هنا

عموما...ربنا يسعدكم :)

ام مليكة يقول...

مرسي يا عبده باشا على تشريفك مدوناتنا الفقيرة بس والله ابدا انا ولا في بالي اكيد حد ولا اغيظ اتها بني ادم في الدنيا ولو تعرفني هتفهم ده كويس والاخ اللي فوقي كمان مرسي خالص على مشاعرك الرقيقة بس انا مش قصدي ولا براء كمان يمكن عشان بس التدوين في الحب والغرام جديد علينا ويمكن لاني مش باحب اداري وباحس ان مدونتي دي كشكول مذكراتي الصغير وبانسي تماما ان كل الناس بتقراه معلش يا جماعة والله نفسي اداري على شمعتي بس انا للاسف مش عندي اصحاب تقريبا عشان كده بافضفض ع المدونة

shabfa2re يقول...

ربنا يسعدكو
وبراء خدوده تتعض بصراحة
نياعاعاعاعااعاعا

www.blogs4arab.com يقول...


يسعدنا تشريفك
www.blogs4arab.com

إبـراهيم ... يقول...

كل سنـة وإنتو أجمل ، وٍأســعـــد ، و أشرف ، وعلى ومحمد وحسين بمناسبة عيد الميلااااد
هههه
نورتيني يا دعاء ، فقلت واجب أعدي


لعلمك بقى أنا بعدي هنا كثيييير

بس من سُكات :)


تحياتي ، وعقبال ما نقول لك يا أم (فلان) أو فلانـــة


سلااااام بقى

shabfa2re يقول...
أزال المؤلف هذا التعليق.
sherif يقول...

http://mowaze3aty.blogspot.com/

تابعوا اخر اعمالي