الأربعاء، يونيو 21، 2006

الدنيا ملخبطة...1

الدنيا ملخبطة"
لا أجد سوى هذه الكلمة اعبر بها عما اشعر به هذه الأيام
الإحساس يتملكني منذ عدة أسابيع، اشعر بغضب شديد وحزن عميق وحيرة في آن واحد
ولا اعرف سبب محدد لهذه المشاعر يمكن حاجات كثيرة لكن لا ادري بها السبب في مشاعري الغريبة
قد تكون عادات براء التي تغيرت كثيرا عما كانت عليه قبل السفر اعترف ان هذه التغييرات ليست سلبية في المطلق ولكنها مختلفة ومتباينة وفي غير اوانها بالمرة ففجاة الدنيا أتغيرت وانقلبت رأسا على عقب كما يقولون.

لم نعد نتحدث كثيرا، غابت عن حياتنا فكرة الخروج من الأساس فأصبحنا نكتفي بالذهاب إلى العمل والعودة معا وربما أي منها على الأكثر، دخلنا في حالة من العبث الدماغي إذا صح تعبيري فكل منا يحيا مرحلة اتهامات متبادلة نحاول أن نخرج منها كل مرة ونخرج بالفعل ولكن نعود إليها في اقرب فرصة.

زواجنا الذي تأجل فجأة ولأسباب غير منطقية ولكن لابد أن نستسلم لأنها الظروف والعادات وبضع كلمات كرهتها لأنها قلبت حياتي، العمل والعودة من جديد إلى البحث عن الذات بعيد عن كتاب السادات وحكاياته الغريبة بل البحث عن ذات كل منا في العمل بعد التغييرات الجدية وكأننا في اختبار وصراع مع الدنيا في آن واحد.
سفر براء القريب للمرة الثانية إلا انه هذه المرة سيكون أطول من قبل......كلها أشياء خاصه به فقط ولكن كل واحدة منها تستحق أن تجعلني اتلخبط بشدة.

"منى" هي الأخرى لعبت دور في هذه اللخبطة الغريبة في أحوالي فرغم كل ما حدث وكل تصرفاته الغريبة إلا أنها تستحق أن تدخلني في تلك الحالة التي تجعلني اشعر أن 6 سنوات ليست كفيلة بان تفهم من حولك ولا حتى بان تتحدث معهم بحرية لأنهم في النهاية بشر، يفكرون بطريقة ذاتية ويرفضون الاعتراف بالخطأ

فلم أكن أتخيل أن تصل بنا الحالة إلى ما وصلنا عليه لأني ببساطة ........كل يوم أفكر في الذهاب إليها وفتح باب الحوار ولكن في نفس اللحظ يحدث موقف غبي منها يجعلني أتراجع عن هذا الموقف الضعيف الذي تعودت عليه هي لأنها قوية وتستطيع التحكم في مشاعرها واحترفته أنا بوصفي نسايه ومسامحه على طول الخط.

الشقة بملابساتها ومشكلاتها التي زادت بشكل لا يحتمل كلام بنات، حركات أطفال، تحالفات ستات، وضغط مادي رهيب في ظل ظروف ملخبطة

البيت ومأساة قلة السفر وعدم الاتصال وأخباري مع براء إللي اتلخبطتت لكن لا يمكن أن احكيها وفي نفس الوقت لا اعرف كيف اخرج منها بسلاسة لانها سلسلة مترابطة لا يمكن الخروج منها بسهولة تحت أي ظروف.

كلها ظروف ومشكلات استطاعت أن تدخلني في هذه الحالة الغريبة ولازلت"متلخبطة".

هناك 7 تعليقات:

البراء أشرف يقول...

طيب.. على العموم لخبطة الدنيا مش دايما شيء سيء، وانتي عودتيني دايما على قدرتك الهايلة في التكيف مع أسوأ الظروف.. لكن سا دودو قدام الناس المحترمة اللي بتزور البلوج ده بقولك قدامهم كلهم.. حقك عليل.. وادعي بس الدنيا تخلص لخبطة قريب وكل شيء يرجع لحالة.. براء

بنت امي الغالية يقول...

انا مش زعلانة منك بس صعبان علي القلبان المفاجيء
بس كمان يابيرو مش دايما الانسان يحب يكون قوي ساعات الضعف بيكون نعمة واصعب لحظة لما تحس ان مش من حقك تضعف ساعتها .....
يلا سيبك
الدنيا احلى وايدينا مشبكة

عمرو عزت يقول...

حلو الدويتو ده


أعاذكم الله من شر الشقق و الفلوس و القلق و " الناس الوحشين " و كل الحاجات التانية



ربنا يخلي ايديكم مشبكة علي طول

محمد السيد يقول...

السلام عليكم ...
ليه يا بنتي ..... ؟
طيب والله مفيش أحلي من واحدة تكوني بتطمني في كلامك معاها ...أو خطيب يغيب عنك وقت طويل ويرجع لك بعد فياب ...

اقوللك ؟؟؟
لو كانت مني طول عمرها كويسة ومطيعة وبتسمع كلامك ومبتنزعلكيش ...؟ مكنتش حتعجبك ..

اه والله .... كنت حتقعدي تقولي ايه الغلاسة دي ..؟ وإيه السلبية اللي هي فيها دي ؟
وكمان تعرفي لو مكنتش بجد هي صاحبتك انت تلقائي كنت حتلاقي نقسك مش عايزة تحكي لها ...

و طبيعي جدا ..ان الواحد مننا بيحتاج يتكلم لأقرب واحد له ... و لو عايزة تعرفي مين اقرب واحد ليكي ؟؟

حطي نفسك في أي زنقة ...او ضيق أو حتي ضغط عصبي ..وحتلاقيه أول واحد ييجي في بالك ....؟

أظنها مني ...

محمد السيد يقول...

وبعدين ..........

مفيش اتنين بيتجمعوا الا بيتخانقوا ..

ولدين بنتين ولد وبنت .... كله ...

لو ماختلفتوش ..... حتتصالحوا إمتي ؟؟

إمتي يجيبوا هدية و يروحوا يتصالحوا بيها ؟؟
إمتي حتعزمك في اي مكان بتحبيه .؟؟

أو تبعث لك رسالة فيها كل الكلام ده ؟؟
طيب لو مكنش ده حصل ...كنت حتكتبي الكلام ده ؟؟؟ ويدخل بيرو ويعلق عليه .........؟؟
أو يوصل لمني وتيجي تكلمك عنه ؟؟
كان حيحصل ؟؟؟

حاجات كتيرة بنفكرها وحشةةةةةةةةةةة...
لكن بيطلع مفيش أحلي منها ....

يالا أسيبكم .... وبعدين مانتم أهه كلم معزومين علي العشا مع بعض ... أمال زعل إيه اللي بتتكلمي عليه ..
سلام

صبارة يقول...

اسمحلي اعلق بصفتي صديقه لموقع المعفن بتعكو
وانا اقول بلج بمبي ودودو ,
وهاتك يا مش عارف ايه دا, لا زعلتوني
يا شيخه دا لسه بقول
لو تعرفوه
قلولهم شدو حلكو يلا
بس انا ملاحظه ملخبطه وجنبها رقم واحد يعني في جزء تاني متقوليش اه
بس خلاص

Lamiss Ibrahim يقول...

nice
http://www.kuwait.prokr.net/category/anti-bugs/
http://www.kuwait.prokr.net/