الخميس، فبراير 26، 2009

عيد ميلاد النونا


عمري ما حسيت اني ممكن أكون أم كويسة، يمكن لأن مسئولية الأمومة التي تعودت عليها كانت أمومة وأبوة في نفس الوقت وربما أيضا لأنني أخاف الفشل دائما..

ولكن ما شعرت به في عيد ميلاد كيكي احساس تاني خالص حاجة كده ولا في الأحلام، بايني صغرت عكس اللي قاله عم أحمد عبيد بالرغم من شعوري بالمسئولية تجاه هذا الكيان الذي ينمو ويستمد قوته مني وتصرفاته من محاكاتي إلا اني في الوقت ذاته اكتشف مهاراتي في الرقص والنط والضحك والاستهبال وكأني صغرت 15 سنة ورا فقط لأحصل على ضحكة مبهجة من كيكي الحلوة

كل سنة وهي طيبة وانا كمان طيبة لأن الفرق بيننا بالظبط 25 سنة و4 أيام وكم ساعة

هناك 3 تعليقات:

بدراوى يقول...

كل سنة و هى ما شاء الله زى القمر
و منورة حياتك انتى و براء الجميل
ربنا يحميها يارب
و تشوفيها مدونة اد الدنيا
قصدى عروسة اد الدنيا
يارب
:-)))))

غير معرف يقول...

ما شاء الله ، الله أكبر عليها ربنا يحفظها و يخليهالك و تشوفيها عروسة زي القمر يا رب ، عجبني أوي قلقك من إنك تكوني أم كويسة بس بجد إنتي ما شاء الله عليكي أم رائعة و أنا كنت بقرالك من أيام ما كنتي لسة حامل فيها و بحب طريقتك في التعبير عن مشاعرك و أتمنالك كل خير و ياريت متتأخريش علينا في الكتابة مريم

ام مليكة يقول...

ربنا يكرمك يا استاذ او استاذة غير معروف طيب مش تكتب مين عشان نتعرف عليك ينفع يعني كده

القلق ده طبيعي قوي لان الامومة دي شيء صعب وخطير برضه