زي القنوات الفشائية ما بتقول في الحقيقة احنا عدنا برضه بس للشغل من كم يوم كده وبالتحديد من اسبوع بالظبط ، ورغم انه اسبوع يعني 7 ايام الا اني حاسه انه يوم واحد لاني مابلحقش اعملي اي حاجة ولمن لايعرف طبيعة شغلنا وظروفه هاقول لكم بقى اصل احنا عندنا قاعدة جامدة جدا بتسمح للامهات باصطحاب الاطفال يعني باختصار مليكة معايا في الشغل قاعدة ع المكتب اللي جنبي وبالتحديد ع السرير البمبى اللي حطيته جنب مكتبي اللي هو حاليا مكتب شيرين..
وتم تبديل الاماكن بيني وبين شيرين لان مكتبها في غرفة منفردة مع استاذ علي وباقي المحررين بره وطبعا بره برضه فيه زيزو الجميل او زياد السكرة ومليكة بالنسبة لزياد لعبة يشيلها ويخبطها يحط صباعه في عنيها يشد دراعها ويطبطب عليها اما بقى ساعة النوم يصحيها عشان كده عملنا فصل قوات..
بس للاسف ملوكة لسه مش واخده ع الشغل خالص ومش عارفه تنام حتى بعد فصل القوات لانها بتصحى من دبة النملة زي ما بيقولوا دلوقتي انا باكتب لكم وهي نايمة شوية وصحيت حالا يلا بقى لازم اقوم لها
هناك ٤ تعليقات:
السلام عليكم ورحمة الله وبركاته ,,
ربنا يخلي مليكه ويخلي ابوها براء وتفرحوا بيها ان شاء الله وربنا معاكم عالشغل دا كله يا ام مليكه
السلام ختام
سؤال .... هو حضرتك برضه صحفيه في الدستور اصل الدستور في كتير باسم دعاء رسامات كاريكاتير ومحررين ومشرفين على صفحات حضرتك بقى مين في كل الادعيه دي
السلام ختام
ربنا يخليكم لينا
وكل عام وانتم بخير
تحياتى
ربنا يعينك
3o2bale :)
إرسال تعليق