السبت، يناير ٢٦، ٢٠٠٨

أشعر بالبرد


وحشتوني ومن زمان مكتبتش مع ان فيه افكار كثيرة بتيجي في بالي بس انشغالي بالحمل والولادة فعلا واخد وقت طةيل.....سامحوني بقى حقوا علي.

النهارده صحيت وانا معرفش ان فيه مطر ولا حاجة واول ما فتحت البلكونة ولقيت الارض مبلولة حسيت اني فرحانة قوي وشوية ولقيت الدنيا بتمطر تاني ففرحت اكثر لاني باعشق المطر وباحب قوي ريحة الدنيا وهي ممطرة تحس انها بتنضف الجو والارض وكل الحاجات من اي شوائب كانت فيها...

كان نفسي انزل تحت واقعد ارسم حاجات ع الارض واجري واتمرجح على رجلي بس طبعا كل دي احلام في الهوا وانا دلوقتي نفسي انزل بس اتمشى شوية ومش قادرة خايفة اتزحلق ولا حاجة...

باحب الشتا ونفسي ننوشة تيجي بقى عشان نستمتع مع بعض بالشتا السنة دي ولو انه في الغالب هيكون شتاء منزلي جدا واخرنا نقف نتفرج من ورا باب البلكونة ده اذا سمحت الظروف

هناك ٨ تعليقات:

غير معرف يقول...

اول مرة اكتب عندك تعليق بي قولت طالما انا اول واحدة كويس اتشجعت شوية انا كمان بمووت في المطر ربنا يديكي الصحة وتجيبي ننوشة عسووووولة ان شاء الله...نورا

ihapoof يقول...

ازيك يا دعاء
إنتى لسه مخلفتيش ؟!
البنت دى بقالها كتيير اوى (:

ربنا يكرمك و تقومى انت وهى بالسلامه

أبوشنب يقول...

دا انا قربت انزل اجازة

وننوشة مش راضية تنزل لارض الواقع

واضح انها مستريحة هناك

عموما انا بقولها تنزل مصر بسرعة

سمعت انهم هيزودو المرتبات

وهيعملولها كادر خاص

Camellia Hussein يقول...

يا رب ننوشة تيجي بقي
انا كل يوم تقريبا بدخل مدونتك ومدونة براء عشان اشوفها وصلت بالسلامة ولا لسة

radwa osama يقول...

لسه كنت بفكر فيكى امبارح وبقول لعمرو تفتكر ولدت عايزه اطمن عليها
يا رب يا دعاء تقومى بالسلامة ..وتيجى ننوشه هانم وتقعدوا فى البرد يا ستى ولا يهمك .

ام مليكة يقول...

هههههههههههه
شفتوا بنتي بقى واضح انها بتحب الدفا وعشان كده منتظرة الدنيا تدفي شوية اما موضوع الكادر الخاص ده ممكن يشجعها خليني اقول لها عليه

Unknown يقول...

ربنا يقومك بالسلامة يادعاء يارب انتى وننوشة

وإستعدى بجد كل اللى فات ده كوووووووم واللى جاي كوم تانى خاااااااااالص .. بس ماتخفيش اللى جاي احلى بكتييييييييير

ان شاء الله .. بجد البنت دى حتغير كيانك كله .. حتتشعبط فى قلبك كدة وحتحبيها اكتر من روحك كمان .. اصلى مجربة بنت اختى اهيه 10 شهور ما شاء الله وواكلة من قلوبنا كلنا حتة كبييييييييييييييرة

هههههههههههههههه


ربنا يقومك بالسلامة يارب وننوشة توصل للدنيا بألف سلامة وصحة .. اللهم آمين

غير معرف يقول...

صباااااح الخيييييير
عاملين اية يا جماعه ؟ ... يارب تكونو ديما بخير
واية اخبار ننوشة ؟ انا كنت فاكر انى هدخل انهردا هلاقى صورها موجودة اخيرا وهشوفها.........بصراحه زعلت
بس هنعمل اية بقا لازم نصبر يارب تيجى بالسلامه ان شاء الله واستعجلوها شوية.
على فكرة انا ليا بنت بنت خالتى النونو اسمها براء واختى النونو اسمها اروى :)) ...... انما ننوشة دا جديد ربنا يخلهالكو يارب ويحفظهالكو من الحسد والقر ........ قولو امين ... امين