أنا مش عارفه اقول لكم ايه نفسي اكتب من زمان قوي بس مش عارفه ليه مكتبتش يمكن لخمة رمضان ويمكن من فرحتي، بجد فرحانة قوي الحمد لله
جمدوا قلبكوا كده واسمعوا الخبر اللي هاقوله لكم دلوقتي
خبر هامرقم واحد :" انها انثى ان شاء الله وفقا لما اخبرنا به الدكتور وعلى الطبيب تحمل المسئولية" طبعا انا فرحانة قوي بس اسمعوا بقى الخبر التالي
ليلى صاحبتي حامل في الشهر التاسع ورشا حامل في الشهر السابع والاتنين حوامل في بنات" ههههههههههههههه الظاهر يا جماعة الزوفة دي بنات.
انتهى البيان يا جماعة بس دعواتكم ، ارجوكم ادعوا لينا نقوم بالسلامة ونولد على خير وادعوا لبناتنا يكونوا بنات طيبات ومؤدبات وقلبهم عامر بحب ربنا"
طبعا انتوا فاكرين احساسي انها بنوتة ، مش بازكي نفسي بس فعلا الام بتشعر بنوع مولودها وحاجات كثيرة قوي تانية ، دلوقتي براء متضايق مني جدا وهايموت من الغيظ علشان باقعد اتلكم معاها واحكي لها عن حياتنا واحفظها شوية حاجات عن باباها ومامتها، هو مش متخيل انها بتسمعنا ومش مصدق انها اراء علمية مهمة وعايش الدور لكن انا قلت له انا هاعمل اللي علي وربنا هو ميسر الامور، وكمان بقى اكتشفت انها هتعرف صوته اول صوت لانه اكثر صوت بيوصلها وطبعا ياريت متسمعش صوته وهو بيزعق او بيهزأ مامي ربنا يستر
هناك ١٠ تعليقات:
انا مبسوطة قوي قوي انها طلعت بنوتة علشان حتطلع جميلة زيك حاجة تانية بسطاني ان طلع احساسك صح وطلعت بنت ودة يثبت ان احساسنا ما يخيبش ابدا
ودى الحاسة السادسة اللى عمر نا يا رجالة ما هنحس بيها
:))
ربنا يقومك بالسلامة يادودو أنت وليلى ورشا ... ويرزقكم ببنات زي القمر ومؤدبين وطيبين وحلوين ومقطقطين و.... و.... و....و
اللهم أمين .. انا والله حاسة بفرحتك وفرحانة ليكي أوي جدا خالص موت
سلامات
مبروك
يا أهلا ببنت بنت البلد
وبالمناسبة دي أنا جاي أطلب ايد بنتكم لابننا
مش هنلاقي أعز من بنتكم ولا أدبها
وابننا برضه عينه منها من زمان
:)
الف الف مبروك
ادعو الله ان يبارك لك فيها
تحياتي
--------
مدونة جميلة سعدت بإكتشافها
انا فرحت اوي اول ما عرفت ان انتي حامل
دلوقتي همووت من الفرح لان هيه طلعت بنت
ربنا يعينكوا ويقدركوا على تربيتها
انا فرحان اوي
(:
السلام عليكم
اتمنى ان تشاركونى فى حملة
هنكون احسن
http://hankoona7san.blogspot.com
مرسي يا جماعة بجد انا فرحت بفرحكم زيادة وكمان حسيت ان البنات رجعت تاخد مكانتها تاني وبعدين حماتي كانت قربت تضايقني من كثر ما كل يوم تقول لي انت فرحانة على ايه يا اختي اومال لوكان ولد كنتي عملتي ايه، مش عارفه كنت هاعمل ايه كنت هافرح برضه بس البنات سكر نبات
عندك حق يا سلمى طبعا الستات كده
اما الاخ مصعب بقى فلا يا عمنا احنا بنتنا تجيب حبيبها وتيجي البيت مش نخطب لها قبل ما تيجي الدنيا وتعيش انت وصاحبك علينا عيشة الصحاب وتقروا الفاتحة وكلام فاضي
مرسي يا صاحب البوابة وانا سعيدة بوجودك
البنت دى محجوزه ليه يعنى خلاص من الاخر
إرسال تعليق