الأحد، أغسطس ٠٥، ٢٠٠٧

فرحك تحفة يادودو

بيرو يشجعني على الرقص
براء يرقص ...يالهوي


علاء فرحان

ندا يفترس الجاتوه

سندوتش مش عارفه ايه لحد النهارده باكله لبيرو

جمع من الصحفيين
رقصها يا طاهر

دودو مندمجة في الرقص

خلود واميرة هشام
يوم مختلف..قضيناه جميعا في فرح دودو الحلوة في نادي الجلاء كان يوم الاربعاء اللي فات لكن كان أجمل يوم عدى علي من زمان قوي فرحة وحب وغنى ورقص ومشاعر لطيفة قوي ربنا يديمها على عائلتهم كلها يارب.

البت دودو كانت عروسة زي السكر وولاء اختها كمان كانت امورة قوي وعلاء كان منور الفرح وفضل يعيط قوي طبعا قمرين خارجين من بيتهم بس كان مبسوط قوي
اغرب حاجة حصلت في الفرح ده براء وتصرفاته كان فرحان قوي ومصر يرقص ويزقطط قوي وعمال يرقص بشكل غريب يا جماعة براء ولا بيعرف يرقص ولا بيحب الرقص ويوم فرحنا كانت اعجوبة انه وافق يرقص بعد ما كل الناس باست ايده ورجله ، كان فرحان قوي لدعاء وكل شوية يقول لي انا حاسس ان اختي بتتجوز
ندا وهواري رقصوا لما تعبوا ومصعب ورفعت لعبوا دور المتفرجين وطبعا دريني الرزين لم يهتز له جفن
انا بقى بصراحة كنت مقررة ارقص واغني واعمل كل الحاجات خصوصا اني لبست فستان كتب كتابي الذي م يكتب لي ان البسه يومها لان والدتي رفضت تماما اني البسه عشان بسيط قوي وكنت فرحانه به صحيح انه كان بقى ضيق حبتين لكن كانت اول مرة احس التغيير بعد الحمل بطني كبرت وبقى فيه بني ادم ودودو مكنتش تعرف اني حامل غير بعد ما رقصت واستغربت قوي وقالت لي خلاص كفاية بقى عشان النونو
خلود تطوعت وصورتنا بعد فقداننا كاميرا رفعت وموبايل مصعب ورفعت وهواري بسبب البطاريات

اليكم الصور

هناك ٦ تعليقات:

غير معرف يقول...

ألف مبروك لدعاء ربنا يسعدها يا رب
و الله لولا التحديث اليومي لموقع الجرنان كنت لازم اجي
بس الواد ندا شكله متغير خااالص ، هل هو محمر كده فعلا و لا دي الصور ؟

محمد حمدي يقول...

الف مبروك وعقبال كل الى متجوزش يتجوز :)

تحياتى ليكى يا دعاء

عمر عاشق القرآن يقول...

الف مبرووووووووك
وعقبالىىىىىىىىىىى

غير معرف يقول...

الف مبروك ياقمر لصديقتك دعاء فعلا فرحتكم باينه اوى قى الصور ربنا يسعدها ويسعدك وعقبال مانفرح بيكى لماتقومى بالسلامه ياقمر

elkamhawi يقول...

عقبال النونو اللى جاى
وعلى فكرة انا بحب براء قوى قوى قوى

غير معرف يقول...

ربطنا يطرحلك فى بيرو البركه ومعلش يعنى ممكن سؤال وقح هو انتى كنتى بترقصى لبراء صح
قميص النوم كان لونه ايه ؟