الأربعاء، أغسطس ١٦، ٢٠٠٦

حبايبنا جونا

عارفين كان فيها حاجات كثيرة قوي في الحفلة كانت اكثر من رائعة اهمها ان فيه ناس حضرت الحفلة من خارج القاهرة يعني سافروا من بلد لبلد عشان الحفلة ولانهم مرتبطين بعشريتنات وكنت سعيدة جدا لما عرفت ده واهمهم احمد بلال اللي جه من المحلة مخصوص، محمد السيد من الاسكندرية ، يحي "ياء" من اسكنرية برضه.

ثاني حاجة إننا عشرينات يعني مفيش أي حد من أصحابنا ولا أهلنا جم وفي الحالات اللي زي دي في الغالب بيكون الجمهور من الاهالي والاصدقاء وده محصلش مش عارفه ده كويس ولا لا بس اهو حصل، ورغم كده كانت الصالة ملييانة فعلا.

هناك ١٠ تعليقات:

محمد السيد..مش حاسكت يقول...

ماشي يا ستي ....

بس والله ... كانت تستاهل السفر ..... رغم إني لغاية دلوقتي منمتش من إميارح ....

أما يالنسبة للناس .... إنت عايزة إيه تاني أكتر من اللي جم دول ....

ده كده أكتر من راااااااااااااااائع


وإسكندرية ... مستنياكي برضه

يالا سلام ....

ياء يقول...

منمتش !!!1
يا راجل دا انت نايم طول السكه واحنا راجعين ايوه يا جدعان على البكش

المهم

بصراحه الحفله كانت جامده جدا جدا
وكل فقراتها كانت رائعه والحضور كان رائع ومتفاعل مع الحفله




وإسكندرية ... مستنياكي برضه
مره واتنين وتلاته


عقبال الحفله الجايه باذن الله

محمود محمد حسن يقول...

لازم حبايبنا ييجوا عندنا اسكندرية

إيه هو القاهرة واخدة مننا كل حاجة ولا ايه

ام مليكة يقول...

انا هانزل الصور في اقرب فرصة سامحوني بس فيه مشكلة على السيرفر وكمان هاعرض الفيديو

محمد السيد..مش حاسكت يقول...

يا بحيي يا نصاب ...

ده إنت قعدت تزن علي دماغى ومعرفتش أنام منك إلا بعد معاناة ....

وبعدين ... إنت اللي مكنتش عايز تنام وعملت لي فيها كاتب .... اشرب بقي يا سيدي .....

كل ده عشان يكتب مدونة عن الحفلة وعن اللي حصل ليلتها والناس العسل " ودوسي علي سنانك وانت بتقولي عسل " هناك ...

صحيح .... شكرا علي العزومة

SOLITUDE® يقول...

ايه يا دعاء؟؟
فين الكليب بتاع صقر لبنان؟؟

sherif يقول...

كان نفسي احضر الحفله يا جدعان بس


كنت بتجوز .... مش تقولولي مبروك

دسوقي يقول...

حفلة ايه؟؟؟؟

محمود محمد حسن يقول...

هو إيه حكاية المدونات اللي صحابها بيهجروها دي ؟؟

الو الو .فيه حد لسه عايش هنا ؟؟

ام مليكة يقول...

ايوة فيه كثير مدونات بيتم هجرها
مش عارفه اكتب حاسة ان المشاكل والحكايات بقت واسعة قوي وكبرت كده فجاة مبقتش اعرف اكتبها سامحوني