بيرو في المغربحبيبي...أنا عارفه اني مغلباه وتعباه وهو كمان تعبني لان دي سنة الحياة زي الجواز كده يعني، بس لما سافر حسيت بحاجة غريبة قوي ، انا كنت عارفه انه عايز يسافر لانه مهتم بالتطوير والتدريب وكمان المغرب بيقولوا بناتها حلوة قوي وعشان كده وصلته وكنت فرحانة عشان هو مبسوط ..
لكن اول ما دخلت الشقة وهو مش فيها لقيتني باعيط بحرقة ومش عارفه اسكت ولا اطبطب على نفسي ولا لاقيه حد يطبطب علي، ماهو خلاص بقى الغالي مسافر ومش عرفت ابطل عياط لحد ما نمت من كثر التعب والضعف...ساعتها افتكرت كلام امي " جوزك هو كل حاجة لكي في الدنيا هو ضهرك وضلك ونسك وحسك في الدنيا" بامانة حسيت بكل ده في نفس الوقت
ارجع بسرعة الله يكرمك وتعالى هنا تاني
اقولك.....تعالى وانا مش هازعلك تاني...
مش هازعق في البيت
ولا هازعق لك على رمي الهدوم
وكمان مش هازعل لو قعدت تتفرج ع التلفزيون.
..ممممممممم عايز ايه تاني ...........
تعالى بقى من فضلك
اقولك.... وحشتني
هناك ٥ تعليقات:
ايه الرومانسية ديه كلها يا دعاء
ربنا يرجعلك براء بالسلامة
و بعدين متقلقيش عليه براء واضح عليه فى الصور انه مركز فى الدراسة و بس ؟!!
هاااى
ربنا يرجعه بالسلامة
و فعلا هو ده الحب
رغم الخناقات رغم الخلافات
الا ان الحب موجود
ربنا يخليكوا لبعض
تحياتي
كريم عزمي
ياعينى ياعينى على الرومانسيه
يا جماعه ارحموا الى لسه محبوش من الإغراء التدوينى بتاعكم دة :)
ربنا يخليكو لبعض
يلا ارجع لها بسرعة
ربنا يرجعهولك بالسلامة
إرسال تعليق