والله العظيم مش عارفه اوصف لكم مشاعري ازاي بس خلوني اقول لكم الخبر الاول وبعدين نتكلم
مصاعيبو خطب يارجاله وبقى عريس امور قوي وكمان خطيبته بنوتة زي السكر بحبها من زمان بس دلوقتي الحب بقى بشكل تاني دي خطيبة الغالي يا جماعة بجد مصعب ده غالي عندي قوي اصله مش اي حد دي كم بني ادم في بعض يعني جوايا ليه مشاعر مختلفة كلها حلوة وجميلة وعشان اميرة متفهمش غلط هاحكي لكم عنها
مصعب اخويا الصغير: اللي دايما يحسسني انه متحمس لكلامي ومتعاطف معايا لكن في نفس الوقت مش بيشفق علي يعني رده علي بيخليني احس اني قوية ومش محتاجة حد يشفق علي..
مصعب ابني : لانه بريء قوي براءة مش سذاجة يعني هو انسان لم تلوثه الايام بعد برغم انه عاش اكثر من 20 سنة معانا الناس الوحشين عشان كده دايما اقول له نفسي اخلف ولد ويبقى مؤدب زيك كده يا مصاعيبو
مصعب صديقي: ياجماعة مصعب سميع كبير قوي يعني تلاقيه ممكن يفضل يسمعك للصبح من غير ملل وده طبعا بيشبع رغبتي في الحكايات الكثيرة عن صاحبه واشتكي واقول وفي الاخر مصاعيبو يرد ويقول لي كلمة سحرية" معلش يا دعاء" بس معلش مصعب حاجة تانية كلمة كده بسيطة ومعبرة قوي
اميرته بقى....
بنوتة كميلة قوي دايما باوصفها كده اعرفها من زمان من اول ما ولاد البلد بدات وكنت مسمياهم الثلاثي المرح هي ومي كامل ومحمد قرنه وطبعا اميرة بنت عسولة ومختلفة شوية يعني تحسها هادية ومجنونة في نفس الوقت رزينة وعفريته في نفس ذات الوقت
لما عرفت الخبر اذبهليت بكل ما تحمل الكلمة من معنى لكن كل اللي حسيت بيه فرحة كبيرة قوي كان اخويا خطب وبيتجوز ربنا يارب يكمل لهم على خير ويهون عليهم الدنيا ويبارك لهم في حياتهم وفي فترة خطوبتهم ويبعد عنهم عيون الناس وحقدهم وكلامهم
على فكرة فيه صور بس انا مش عارفه انزلها لان كابل الكاميرا بايظ معلش استنوني شوية
مصاعيبو خطب يارجاله وبقى عريس امور قوي وكمان خطيبته بنوتة زي السكر بحبها من زمان بس دلوقتي الحب بقى بشكل تاني دي خطيبة الغالي يا جماعة بجد مصعب ده غالي عندي قوي اصله مش اي حد دي كم بني ادم في بعض يعني جوايا ليه مشاعر مختلفة كلها حلوة وجميلة وعشان اميرة متفهمش غلط هاحكي لكم عنها
مصعب اخويا الصغير: اللي دايما يحسسني انه متحمس لكلامي ومتعاطف معايا لكن في نفس الوقت مش بيشفق علي يعني رده علي بيخليني احس اني قوية ومش محتاجة حد يشفق علي..
مصعب ابني : لانه بريء قوي براءة مش سذاجة يعني هو انسان لم تلوثه الايام بعد برغم انه عاش اكثر من 20 سنة معانا الناس الوحشين عشان كده دايما اقول له نفسي اخلف ولد ويبقى مؤدب زيك كده يا مصاعيبو
مصعب صديقي: ياجماعة مصعب سميع كبير قوي يعني تلاقيه ممكن يفضل يسمعك للصبح من غير ملل وده طبعا بيشبع رغبتي في الحكايات الكثيرة عن صاحبه واشتكي واقول وفي الاخر مصاعيبو يرد ويقول لي كلمة سحرية" معلش يا دعاء" بس معلش مصعب حاجة تانية كلمة كده بسيطة ومعبرة قوي
اميرته بقى....
بنوتة كميلة قوي دايما باوصفها كده اعرفها من زمان من اول ما ولاد البلد بدات وكنت مسمياهم الثلاثي المرح هي ومي كامل ومحمد قرنه وطبعا اميرة بنت عسولة ومختلفة شوية يعني تحسها هادية ومجنونة في نفس الوقت رزينة وعفريته في نفس ذات الوقت
لما عرفت الخبر اذبهليت بكل ما تحمل الكلمة من معنى لكن كل اللي حسيت بيه فرحة كبيرة قوي كان اخويا خطب وبيتجوز ربنا يارب يكمل لهم على خير ويهون عليهم الدنيا ويبارك لهم في حياتهم وفي فترة خطوبتهم ويبعد عنهم عيون الناس وحقدهم وكلامهم
على فكرة فيه صور بس انا مش عارفه انزلها لان كابل الكاميرا بايظ معلش استنوني شوية
هناك ٤ تعليقات:
السلام عليكم
انا ماعرفش مصعب بس الف مبروك
فرحتك جميلة جدا
كل التحية
أنا برضه مبسوطة أوي يا دودو إن مصعب خطب ومش مصدقة نفسي لغاية دلوقتي... واللي مفرحني أكتر إنه أختار حد جميل زي أميرة... ربنا يفرحهم يارب ويبارك لهم في جوازهم وفي حياتهم.. قولوا آمين.
ألف ألف مبروك لمصاعيبو :)
إنتو فعلاً كلكم بني آدمين جُمال أوي اوي
وربنا يبارك لكم جميعاً ويسترها معاكم ومعانا
الف مبروك ليه و عقبال ملوكة (:
انا كمان فرحتله أوي بالرغم مناني معرفوش زيك
ربنا يبارك لهم و يبعد عنهم كل سوء
و مستنيين الصور ما تتأخريش علينا يا دودو ((:
إرسال تعليق