تعالوا احكي لكم من الاول يعني من اخر مرة رحت فيها للدكتور وقال لي ان وضعها مش مظبوط وانها في الغالب هاتحتاج عملية قيصرية لانها نايمة بالعرض وبالتالي راسها مش في وضع النزول ده طبعا بالاضافة الى انها تمت 9 اشهر و9 ايام في الشهر العاشر وبالتالي كفاية عليها قوي كده...
المهم ما اخبيش عليكم انا كنت مرعوبة من الولادة القيصرية ومن الطبيعي برضه بس من القيصري اكثر ولكن توكلت على الله ونويت اولد قيصري وخدت ميعاد من الدكتور ان بكرة- اللي هو يوم الاثنين 11/2 - اروح اولد وفعلا قمت الصبح وحضرت الحاجات ووالدتي وبراء وحمايا وحماتي كانوا معايا وكنت متوترة طبعا...
رحنا المستشفى واخترنا الجناح اللي هاولد فيه وظبطنا كل المسائل وجت اللحظة الحاسمة لكن بعد 3 ساعات من الانتظار لان الدكتور كان متفق معايا على الساعة 1 ووصل الساعة 4 وفعلا طلع لي الاوضة وكشف على الجنين وسمع صوته وبعدها دخل دكتور الجراحة وكشف هو كمان وبعدها دكتور التخدير وكل واحد قام بدوره الا ان دكتور التخدير هو كان الكينج لاننا اتفقنا انا وهو اني هاولد بتخدير نصفي وليس كلي كده مني ليه من غير الدكتور بتاعي ما يعرف وعينكم ما تشوف الا النور......
لبسوني بتاع غريب جدا مش مخبي اي حاجة ولونه كئيب قوي لانه كحلي وشالوني على سرير متحرك ونزوني اوضة العمليات كده لوحدي من غير اي حد ما يكون معايا وساعتها حسيت وتيقنت اني مش هاعيش ومش هاطلع فوق تاني لاني هاطلع فوق ادوار كثير يعني هاموت......
المهم وصلت اوضة العمليات وشفت بعيني الدواير الكثيرة المنورة دي والدكتور بيحضرني للبنج قعدني زي ما اكون قاعدة ع المصطبة والله هو قال كده بالظبط وساعتها قعدت اترعش بشدة قوي ومبقتش عارفه اتحكم في جسمي كله واتشاهدت على نفسي وهوب اداني حقنة الضهر الل هي المخدر النصفي وبدات رجلي تنمل ودخل دكتور النساء ودكتور الاطفال ودكتور الجراحة وجنبي كان واقف دكتور التخدير اللي مسبنيش ولا لحظة........
بعد خمس دقايق محستش برجلي ولا بنفسي وكنت خلاص هايغمي علي وده طبعا شيء مش طبيعي وقلت للدكتور فحط لي خرطوم في مناخيري نبهني قليلا وبدات العملية او المجزرة اللي انا كنت مش شايفاها لانهم حطوا بيني وبينهم ملاية وربطوها في حمالة الجلوكوز من ناحية وجهاز الضغط من ناحية...
وللي مش عارف البنج النصفي ان الواحد يكون مخدر الجزء السفلي فقط يعني كده من عند بطني لحد صوابع رجلي لكن ايدي ووشي ودماغي صاحيين ومش بيغيبوا عن الوعي خالص وانا قررت اعمل كده عشان اشوف مليكة اول ما تنزل واكون اول واحدة تشوفها لان في الغالب الام اخر واحدة بتشوف النونو حتى في الولادة الطبيعية وانا بجد كنت هاموت واشوفها والحمد لله شفتها.......
الدكتور بتاعي فضل يهزر معايا ويسالني عن اخر حاجة قراتها عن الحمل والولادة على النت وهو بيقول لي انا هاشيل كل الحاجات اللي مش عاجباني من بطنك ولو حاسة بحاجة اعترضي وبعد نصف ساعة بالظبط خرجت مليكة وقالت"واء" ساعتها قلبي رفرف من الفرحة وكانت اعظم لحظة في تاريخ حياتي واجمل احساس في الدنيا كلها اني اشوفها وهي في اول لحظة لها في الدنيا وميلت راسي وقلت لهم عايزة ابوسها فقالوا هايحموها بس ويجيبوها لي ، وفعلا دكتور الاطفال قعدي يحمي فيها ويحط خراطيم في مناخيرها وودانها ويحرك فيها ويوزنها كل ده وباقي الدكاترة لسه شغالين بيقفلوا بطني اللي فتحوها من شوية......
واخيرها حضنتها وبستها وقلت لهم ودوها بقى لابوها وسلموا لي عليه وقولوا له البت حلوة دودو بتقول لك.....وبعدها بدات احس بتعب فظيع وتقريبا كنت هانام منهم بس كان يوم مختلف طبعا بعد نصف ساعة طلعوني فوق ولقيتهم فرحانين قوي بلوكا وكمان اني بخير بس بعد اربع ساعات حسيت بافظع الم في الدنيا وهو الم الجرح واللي مستمر لحد دلوقتي بس بنسبة اقل الحمد لله وكله يهون عشان خاطر مليكة
المهم ما اخبيش عليكم انا كنت مرعوبة من الولادة القيصرية ومن الطبيعي برضه بس من القيصري اكثر ولكن توكلت على الله ونويت اولد قيصري وخدت ميعاد من الدكتور ان بكرة- اللي هو يوم الاثنين 11/2 - اروح اولد وفعلا قمت الصبح وحضرت الحاجات ووالدتي وبراء وحمايا وحماتي كانوا معايا وكنت متوترة طبعا...
رحنا المستشفى واخترنا الجناح اللي هاولد فيه وظبطنا كل المسائل وجت اللحظة الحاسمة لكن بعد 3 ساعات من الانتظار لان الدكتور كان متفق معايا على الساعة 1 ووصل الساعة 4 وفعلا طلع لي الاوضة وكشف على الجنين وسمع صوته وبعدها دخل دكتور الجراحة وكشف هو كمان وبعدها دكتور التخدير وكل واحد قام بدوره الا ان دكتور التخدير هو كان الكينج لاننا اتفقنا انا وهو اني هاولد بتخدير نصفي وليس كلي كده مني ليه من غير الدكتور بتاعي ما يعرف وعينكم ما تشوف الا النور......
لبسوني بتاع غريب جدا مش مخبي اي حاجة ولونه كئيب قوي لانه كحلي وشالوني على سرير متحرك ونزوني اوضة العمليات كده لوحدي من غير اي حد ما يكون معايا وساعتها حسيت وتيقنت اني مش هاعيش ومش هاطلع فوق تاني لاني هاطلع فوق ادوار كثير يعني هاموت......
المهم وصلت اوضة العمليات وشفت بعيني الدواير الكثيرة المنورة دي والدكتور بيحضرني للبنج قعدني زي ما اكون قاعدة ع المصطبة والله هو قال كده بالظبط وساعتها قعدت اترعش بشدة قوي ومبقتش عارفه اتحكم في جسمي كله واتشاهدت على نفسي وهوب اداني حقنة الضهر الل هي المخدر النصفي وبدات رجلي تنمل ودخل دكتور النساء ودكتور الاطفال ودكتور الجراحة وجنبي كان واقف دكتور التخدير اللي مسبنيش ولا لحظة........
بعد خمس دقايق محستش برجلي ولا بنفسي وكنت خلاص هايغمي علي وده طبعا شيء مش طبيعي وقلت للدكتور فحط لي خرطوم في مناخيري نبهني قليلا وبدات العملية او المجزرة اللي انا كنت مش شايفاها لانهم حطوا بيني وبينهم ملاية وربطوها في حمالة الجلوكوز من ناحية وجهاز الضغط من ناحية...
وللي مش عارف البنج النصفي ان الواحد يكون مخدر الجزء السفلي فقط يعني كده من عند بطني لحد صوابع رجلي لكن ايدي ووشي ودماغي صاحيين ومش بيغيبوا عن الوعي خالص وانا قررت اعمل كده عشان اشوف مليكة اول ما تنزل واكون اول واحدة تشوفها لان في الغالب الام اخر واحدة بتشوف النونو حتى في الولادة الطبيعية وانا بجد كنت هاموت واشوفها والحمد لله شفتها.......
الدكتور بتاعي فضل يهزر معايا ويسالني عن اخر حاجة قراتها عن الحمل والولادة على النت وهو بيقول لي انا هاشيل كل الحاجات اللي مش عاجباني من بطنك ولو حاسة بحاجة اعترضي وبعد نصف ساعة بالظبط خرجت مليكة وقالت"واء" ساعتها قلبي رفرف من الفرحة وكانت اعظم لحظة في تاريخ حياتي واجمل احساس في الدنيا كلها اني اشوفها وهي في اول لحظة لها في الدنيا وميلت راسي وقلت لهم عايزة ابوسها فقالوا هايحموها بس ويجيبوها لي ، وفعلا دكتور الاطفال قعدي يحمي فيها ويحط خراطيم في مناخيرها وودانها ويحرك فيها ويوزنها كل ده وباقي الدكاترة لسه شغالين بيقفلوا بطني اللي فتحوها من شوية......
واخيرها حضنتها وبستها وقلت لهم ودوها بقى لابوها وسلموا لي عليه وقولوا له البت حلوة دودو بتقول لك.....وبعدها بدات احس بتعب فظيع وتقريبا كنت هانام منهم بس كان يوم مختلف طبعا بعد نصف ساعة طلعوني فوق ولقيتهم فرحانين قوي بلوكا وكمان اني بخير بس بعد اربع ساعات حسيت بافظع الم في الدنيا وهو الم الجرح واللي مستمر لحد دلوقتي بس بنسبة اقل الحمد لله وكله يهون عشان خاطر مليكة
هناك ١٠ تعليقات:
الف الف مبروك
تجربة فعلا جميلة انك تشوفي لحظة ولادة بني ادم
سبحان الله
مبرووووووووك
حمدالله على السلانة يا دودو في سنة اولى امومة .. عقبال ما تكبر لوكا وتشوفيها عروسة وصحفية كبيرة يا رب ولا مخرجة ولا مذيعة .. اقول لك بروديوسر وطبعاعروسة حلوة لامها .. عموما احب امنك "القادم مذهل لكثر " تمتعي بالامومة وعيشي يا باشا
بسم الله ما شاء الله
اللهم اجعلها ذرية صالحة بارة بامها و أبيها
كنت مستنية من زمان حكاويكي عن التجربة دي ، و كل يوم تقريبا ادخل عندك و اقول ربنا يقومهابالسلامة
و الحمد لله جيتى و جبتيلنا صورة ملاكك الجميل ده
بورك في الموهوبة و شكرتم الواهب و رزقتم برها و بلغت أشدها
مستنيين يومياتك معاها
و حمد الله على سلامتك
بوسيهالى من هنا و من هنا و قوليلها طنط آية بتسلم عليكي يا ملوكة
تحياتي
الف حمدله على سلامتك ومليون مبروك بسم الله ماشاء الله تبارك الله ربنا يباركلك فيها ويهديهالك ويجلعها نعم البنت الباره بوالديها انا قرات المعوذتين زى ماطلبتى ودعيتلها ربنا الاعلم ماشاء الله زى القمر ربنا يفرحك بيها يارب ويخليهالك الف مبروك
ألف الحمد لله على السلامة :)
الف الف مبروك ماشاء الله زى القمر
ربنا يخليهالك يارب
البوست ده اكتر من رائع اتاثرت بيه اوى لانه من القلب اوى
سلام
تعرفي انا طالب في كلية طب كنت بشوف ستات كتير بتولد بنفس الاسلوب ده كان نفسي اعرف انطباعتهم و احساسهم ايه خصوصا لو سمعوا كلام الدكاتره العجيب في المستشفيات الحكوميه
علي فكره لو كنتي شفتي اللي بيحصل في بطنك كنتي هيغمي عليكي علي الاقل
عموما حمدالله علي سلامتك دا انا كنت مستني اليوم ده من ساعة ما اتخطبتي لبراءربنا يسعدكم يا رب
التدوين ده حاجه لذيذه جدا و الله
مع تحياتي
(واحد انتم مش تعرفوه يعرفكم كويس )اوي
ألف حمدالله عالسلامة
لو سمحتي تبوسيهالي في خدودها وايديها الاتنين اللي قد الفتفوتة
باموت في السن ده..ونصيحتي تستمتعي بيه لأنه بجد مش بيتعوض
بسم الله ماشاء الله
:)
رنا يخليهالك يارب...وتتربى في عزك وعز باباها...الف مبروك
شكرا يا جماعة على كلامكم الحلو ده وعلى اهتمامكم بلالا الحلوة، يارب كده نجاملكم في الافراح والليالي الملاح والبنات والصبيان المولودين......
ادعو لها كل ما تيجي على بالكم
إرسال تعليق